出街阿妹 Day2

今日本身一早起身，諗住早D出門口，早D返工，唔好遲到....點知等巴士一等就等左起碼半個鐘有多，等車其間我發現香港人真係好心急，企我後面個位小姐由於等得太耐，不停咁係到講粗口，又英又中，我真係唔知佢想點，佢仲出招，打去巴士公司，問人點解架巴士咁耐都未到....個下我真係O晒....

上左車，我終於都知道點解架巴士咁耐... 因為個巴士司機開到牛咁慢... 我都唔知佢想點... 個個都趕返工，佢就擺出一副你趕我唔趕既死人樣，真係見到都想打巴佢.... 返到公司，遲左20分鐘.... OMG...我比人扣錢扣死啦，加加埋埋我都遲左接近200分鐘... 想死.. 我都係要早睡早起先得啦....

返到去，開左電腦，ASpay又用唔到，o... Steven... where did you go.... 萍萍放假放到下年，實在太好，我都想有咁多假可以放...嗚嗚嗚... 所以我今日再做出街靚妹Day2，去左IFC 2期 & 上環~

第一站去左IFC先，入去2期要先登記身份証，我都唔明點解，我已經係比張身份証佢睇架啦，佢都可以係個pass到打錯我個名... 唔知想點... 入閘前，有隻好可愛既門口狗係到，真係好得意，不過可惜太多高層人仕出出入入，所以我都無同佢照到相，呵呵~ 入到去，設計得真係好靚，對於我呢個[小朋友]，唔知點解好有一種雙影成趣既感覺...(睇下我幾勁，識得用4字詞，呵).... 甲級寫字樓真係非同繁嚮，我連人地道門都唔知點開.... 因為D門太多掣，又無寫邊個打邊個，我驚o禁錯左人地個警鐘....

then返左上環文娛中心隔離轉單，係等單其間，見返好多出街靚姐，個個都話好耐無見過我，呵呵~
轉完單，見有D時間，去左"七喜"食左碗好正既碎牛粥，呢到既碎牛粥真係無得頂呀，粥底正，牛肉滑，本人覺得比生記更好味(希望Aunt見唔到呢篇野，如果唔係殺死我都似，呵呵)~ 食飽飽，坐車返公司，又係時間博殺，呵呵~

放工邊到都唔想去，suddently好想返home彈玩琴，我都唔知幾耐無掂過佢lu，哈哈