3V 揀相日

特別報告 (7/5/09)：終於收到第二隻碟喇，亦順利睇到o的相喇，部份相片將會陸續 post 上 blog 同大家 share，不過當然係 blog 友仔先睇到啦﹗

望穿秋水終於來到“3V 揀相日”，雖然揀之前已經將期望降至最低，但少不免仍有點緊張 ~

十二點去到 3V，settle 妥當後，3V 的同事 apple 叫我o地先用 slide show 看一次所有相，total 210 張，大致上都 ok o既，唔可以話驚喜，又唔可以話失望，叫做不過不失囉﹗

之後就逐張慢慢睇，因為要揀相入大相簿，total 要揀 110 張，分別入四本大相簿。我o地都無理數量問題，總之覺得 ok 就揀，細睇之下，教堂景都影得唔錯，而羅生反而最鍾意沙灘部份，可能因為影得自然o掛，諗落都係架，以當時咁o既狀態都影到自然笑容，算係咁啦﹗

至於失望，首選影石灘部份，因為個石灘勁多青苔，好礙眼，我o地問 apple 呢o的執唔執到，佢就好堅決話執唔到，o下 ~ 執唔到好樣衰喎，既然執唔到點解仲要影咁多呀﹖﹗仲有室內景，動作怪怪的、構圖怪怪的、造型怪怪的 (雖然我覺得 ok 啦﹗) ~~~

揀呀揀，估唔到又好 good fit 地揀了 110 張，即係入大相簿方面唔洗再來 2nd round (真係好 ~~)，不過難題又o黎喇，因為揀相放大做板畫、簽名布、水晶封面 …… 睇番o個 110 張相，ok o既係有，但硬係未至於好到放大 24"x36"，簽名布就更頭痕，考慮到 cut 相、構圖、要有位置簽名 & background 唔可以太花，噢 ~ 即係無一張符合以上要求，真係揀到火都o黎埋﹗其餘放大至 10" or 12" 的，相對難度減少，算是順利攪掂啦﹗不過仲要 confirm 埋封面花紋，本來都心思思想轉雜誌面，但 580rmb 又無折喎，太貴喇，所以都係唔轉，是但揀番o的普通款都 ok 啦﹗

最後 3:30pm 攪掂走人，不過臨走前當然要俾 30rmb 燒隻碟走啦，因為我心急嘛，可以一次過提早俾屋企人 / 朋友睇相，30rmb 都算抵俾，但好可惜，返到屋企隻碟開唔到呀，試過四部機都唔得，究竟係乜原因呢﹖唉 ~~ 依家睇唔到，唔知 3V 又點幫我解決呢個問題呢﹗﹖