再戰 3v 排版

今日又再次去 3v 睇排版，晨早十點去到，好眼訓呀 ~~

首先有兩本 12" & 一本 15" 的排版睇，本 18" 就未有得睇住，
一睇，大部份都 ok，始終俾o左o的 sample 佢o地參考，做出o黎都o岩心水o的，
大改就無乜，主要係執執細相o既 size & 位置，所以都算快攪掂﹗

終於有得睇本 18" 喇，一睇 ~~~ 噢撈﹗實在慘不忍睹﹗﹗
有好多版根本就係無排過，求其擺埋一齊就算，o的背景仲要係齋白色，
o拿 ~ 一版兩版就話可接受，但超過一半喎，望住個 mon 我都唔知點改，
向排版師反映呢個大問題，好彩佢都肯重新排一次再等我o地 comment。

等佢重排 18" 之時，我o地就睇返已改好的 12" & 15"，
改o左好好多，不過都趁機再搵搵o的穿崩位先﹗
本來排版師叫我o地去食o野先，因為重排 18" 要多o的時間，
但出面落好大雨呀，所以食o左自備的鬆餅頂頂先 ~~

唔算等o左好耐，睇到重排的 18"，better la，但都有好多要執，
等我o地 mark 好要執o既地方就同排版師講一次，
起初都無乜o野，但講講o下佢開始黑面，乜都話執唔到，
又唔多願聽我講解，但我都盡量講，叫佢盡執俾我睇睇個效果，
講真，邊係執唔到丫，根本就係唔願做，
你覺得我好多要求﹖煩o左你好耐咩﹖如果你一早肯做就唔洗翻做啦﹗

又等o左半個鐘左右，終於攪掂﹗雖然仲可以執，不過好o左好多架喇 ~~
呢個時候有其他新人等位睇排版，所以我o地都讓位喇﹗
最後再執執o的大相 & 簽名布，終於大工告成 ~~~~
嘩 ~ 好肚餓呀，諗都唔想諗又去o左 "哈大師" 食牛肉麵 ~~ Yummy﹗

3/8 後就可以拎成品喇，祝我好運啦﹗