2nd pre-wedding @ 3V

3V 約我o地 8:30am 到工作室，我o地 8:20am 去到都仲未有人，等o左陣先有人返o黎，無幾耐就見到另外兩對 couple ~~

去到化妝室，先放好o野入 locker (比新天地的大好多架 ~)，然後就換衫，不過當然要先 confirm 件紅色蝴蝶裙先啦，著上身好過黑色，就要紅色啦﹗

由於會拍室內景先，所以換上了宮廷服，而幫我化妝o既係小晴，同一時間，今日o既助手小玲就幫羅生揀衫。小晴化妝都 ok，不過對假眼睫毛真係幾誇，可能我睇唔慣啦﹗羅生揀o的衫比想像中好，總之簡簡單單不會太差吧﹗不過個助手明顯唔多掂，攪到羅生好混亂，我化完妝佢都未揀晒衫，哈 ~ 攪到小晴都好心急喇，你仲未化妝架﹗

準備好外影的物資便開始影室內景，終於見到我們的攝影師 ~~ 亞杰老師 + 助手阿康﹗先溝通一o下想點影，好彩早有準備，print 定 ref. Photo，想影乜景要乜 style 都一目了然，要我形容就o徒氣喇﹗

室內景同網上見到的有少少分別，不過最緊要有我想影的水晶燈，而我o地兩個明顯未在狀態又經常眨眼，攪到要影好多張先收貨呀﹗影完就換大拖尾婚紗，3V 同事就幫我o地買定麥記做 lunch。

出發喇，上到車，個個都訓覺，我o地就食o野，唔覺唔覺半小時車程便到達世界之窗，第一站先到教堂取景，亞杰幫我o地影o左好多，因為之前講o左最想影呢到 ~~ 然後影鐵塔 & 凱旋門，但好大風呀，吹到個頭亂晒，仲要無人幫我整裙尾 & 頭紗，唉 ~~ 影多陣就換晚裝，影o左好多景，仲有好多高難度動作 (腰斷喇 ~~)，影訓地相時，好多人圍觀，救命呀﹗

影完就出發去沙灘，大半個鐘的車程，好想訓但唔訓得，對 con 出事就麻煩喇﹗~~ 去到沙灘真係大開眼界，因為成個沙灘都係影 pre-wedding 的，差不多隔 10 步有一對，所以有過百對新人都唔奇﹗

影沙灘我們用了汽球作道具，但可惜 3V 提供的是粉紅色，我麻麻o地喜歡，加上o的風又唔聽話，唉 ~ 希望拍出來不會太差吧﹗另外我o地帶了 playmobil 做小道具，好彩我醒起可以帶咋，雖然拍得不多，但應該 ok o掛﹗

到最尾一件衫喇，嘩 ~ 著住條裙攀石涉水難度好高，而且拍到接近尾聲，我已經唔識笑喇﹗~~ 直至亞杰一聲「拍完」，簡直想大叫呀﹗

返回 3V 途中開始落雨，影完先落真係好 lucky﹗落妝執好o野就走人，幸苦晒，7:30pm 完成，不算太夜吧﹗~~ 呢一刻，好肚餓，立即去金光華搵食，最後去o左【哈﹗大師】食 “紅燒牛肉麵”，嘩 ~ 辣o野 + 凍飲，好耐未試過喇，俾我放縱o下啦﹗