首次試褂 @ 永隆 & 美華

睇完帖，我提議不如去試褂 ~~ 首先去到【美華】，
遇到有一對新人都係o黎試褂，佢o地 BD 係 13/12/209，
鄧太話依家租都o岩喇，因為年尾好旺呀 ~~~
我o地見有人試緊，轉頭先再o黎嚕。

沿上海街往油麻地方向行，會見到【錦發】和【永隆】，
前者唔睇嚕，我又唔係諗住做租頭褂，所以直接去【永隆】，
去到剛剛有個女仔試完就到我試，serve 我o個個應該唔係劉小姐，但都俾影相。

佢問我想試乜款，我自己唔鍾意太紅，所以話想試 "中五福" or "大五福"，
先試 "中五福"，咦 ~ 又幾好喎 (約 $750)，試埋件 "大五福金龍彩鳳"
佢話等於人o地o既褂后，又好似唔錯 (約 $880)，
之後仲試埋件 “掛皇”，嘩 ~ 呢件真係好誇，成件黃金甲咁，
當然唔會考慮啦，最後都係心思思喜歡 "大五福" 多o的，
所以就試多件 "大五福金龍金鳳"，不過相比之下，
都係 "金龍彩鳳" 順眼o的。試完，都 ok，但我想睇埋【美華】先決定，
所以就話諗諗先，加上想等媽咪過o下目先嘛﹗

就o係呢個時間，位阿姐開始發功加少少黑面，
又話叫我落住 $200 先，又話送睡衣，仲話到時真係唔o岩，
o個 $200 都可以買其他o野 …… o拿 ~~ 呢隻態度我o地唔受架﹗

行返去【美華】，鄧太好 nice，不過就唔俾影相，要 confirm 先俾影。
我都係試 "大五福" & "褂后"，一試上身，我覺得【美華】o的褂 fit 身好多，
袖長又剛好，價錢仲平o的添，所以如無意外，我會選擇o係【美華】租﹗