當日攝錄

book 好酒席，跟手第一樣野就係睇 “當日攝錄”，
對於呢樣o野，我可以好高要求，但亦可以無乜要求，
因為我知道所謂要求，所謂我平時影相的 style，
全部都係要用錢買，所以無乜要求反而輕鬆自在。

上網做過功課，知道金都的【純美新娘】有不錯的評語，
所以今日去了金都一轉，首先聽聽 package 內容，
嘩 ~ $3380 包一攝一錄，轉數碼加 $1680，
其他差不多乜都包晒，真係幾抵﹗不過都去其他鋪望望先 ~~

經過【Picasso】，問問價錢，本身都貴貴o地，
加上單係本相簿已經要加錢，指定攝影師要加錢，
印象中早拍晚播都係要加錢 ~~~ 加加埋埋都幾襟計。
然後去【幸福宣言】，未講價錢，先坐低睇睇相，
一睇 ~ out 得，全部相爆晒光，o的色錯晒，我知係攝影師問題，
但一睇就睇到咁o既 sample，扣晒分嚕﹗

所以最後都係 join【純美新娘】，join 之前知道一個攝影師‧小寶的相唔錯，
所以先睇小寶的作品，幾好，再睇埋其他攝影師，就小寶啦唔該﹗
至於錄影，佢話錄影無得指定，而我又無乜所謂，所以由得【純美】安排，
不過有o的 jm 又話可以指定 ~~~

之後知道有其他同一日結婚 的 jm 都想 book 小寶，嘩 ~ 好彩我夠快手咋﹗