踩單車!!

謙謙已經等咗好耐~~~

喺過去一個月,每次謙謙問,

''去踩單車呀?''

dadi mami答佢,

''唔去住,謙謙(或者妹妹)病病,出去好凍,會發燒架!!''

或者係,

''今日要睇醫生喎,下次先!!''

謙謙聽完,就自己重覆講一次,

好似明白咁,之後就會自己玩車車,

有時,兩個b都無病,好精神,

謙謙又會問,

''去踩單車呀?''

但dadi會答,

''dadi要返工啊,聽日先啦!!''

到聽日,謙謙又問,

''去踩單車呀?''

dadi有時間,無病,但係,

落大雨!!!

...........

dadi mami一次又一次話同謙謙踩單車,

但每次都叫謙謙失望.....

上星期六早上,

天氣都係咁凍,但有少少太陽,

我哋拿拿聲出門口,

要去踩單車啊!!!

開心得佢呀~~

謙謙踩單車,妹妹坐車車~~

dadi左擁右抱~~

呢度係屋企附近,新整咗個湖呀!!行五分鐘就到,好靚架!!

妹妹依家最叻手指指點人~~

我哋學妹妹手指指~~

dadi笑得咁開心,其實好凍架~~我哋已着咗好多衫啦!!

影完呢張相,開始落毛毛雨啦!!!

好在好近屋企咋,咪即刻行返屋企lor!!雖然玩得一陣,但謙謙都好開心啦!!!

謙謙下個月三歲啦,

真的大個仔咗好多,唔再係小bb,識得要求好多嘢~~其實只要係有益既,唔過份既,dadi mami做到既,我哋都想俾到謙謙,不過有時就要謙謙有耐性等下啦!!

另外,

早前婆婆送了Cars既畫畫pack俾謙謙,

謙謙畫咗兩日,

咩都畫滿晒顏色之後,

第三日,

mami煮飯時,聽唔到謙謙玩車車既聲,

咪行去玩具房望下謙謙......

就見到......

mami都唔知好嬲定好笑!!!!!

好在係専俾小朋友用既顏色筆,用濕毛巾一抹就甩!!