搵屋

       一早就話想搬屋架啦，不過之前個fd個fd話將佢間屋租俾我地，我地之前都一直系度等佢既，上次(21/4)問佢幾時我地可以搬到入去住，佢話兩個星期之後就ok架啦，之前都仲以為租定佢間屋架啦，點知，佢依家人影都唔見，msn又唔理人，手機又唔聽電話，由於我住緊呢個單位亦都仲有10天就租約期滿了，又唔想繼約，唯有依家拿拿淋搵屋啦，但系依家d租真系好貴呀，2房1廳，就算系唐6樓，都要6000左右，今日收工同朋友去搵樓盤，見大角咀有間2房既，$5500，話就話有500呎，但系實用面積比家姐的300呎仲細好多，而且間格就好似「振宇」小朋友所講既三尖八角咁，房間好細，只可以放得落一張4呎床而已，睇屋時，就見到小隻小強哥哥系度行來行去，雖然我唔驚小強，但見到幾隻就有d驚驚地啦，所以呢個單位唔使考慮了。

        原來搵樓真系好難，租亦好貴，我地只要一間2房既單位，價錢系$4500，但由佐敦行至太子既地產，問左好多間都話冇咁平。最少都要$6000。可以點呢?有冇人有介紹既呢?雖然都有幾個朋友話幫手搵下，但真系好心急。哎