基本上由年頭到年尾飛去日本的目的都離不開食同買，今次在大阪掃完幾日貨之後，決定離開大阪這個人多車多的城市，想整番啲戶外活動，跳上JR花個幾鐘去和歌山。嚟到唔使心急出閘，因為終點站不是和歌山，沿著站內指示找到和歌山電鐵貴志川線的9號月台，終於找到今次和歌山之行的主角—貓列車。　


一上到月台好好彩竟然即刻見到貓列車埋站，呢架最新嘅貓列車道係以貴志站那隻三色肥貓駅長たま為主角，白色車身由內至外都繪上了貓駅長たま不同的貓樣，車廂入面幾乎每一個地方，例如書櫃、椅背、梳化、掛燈就連窗口都可以找到牠懶Cute的貓樣，見到啲貓癡開心到好似去咗遊樂場咁，呢度影果度影，成架車直頭變咗studio。

三十分鐘嘅車程貶吓眼就完，去到貴志站落車當然一定要找貓駅長影影相。個站超細，一出就到駅長嘅行宮，養尊處優嘅佢外表肥嘟嘟有啲似加德利奧，懶到連眼尾都費時望我哋，勁有性格，得意到直頭想偷佢番屋企呀。