禮服的最後決定

終於都再上Ballroom為自己的衫作最後的決定，

今次還叫埋伴娘小姐一齊去，

因為她都未揀伴娘裙。

因為上次的經驗，

知道可能要揀好久，

所以我和媽咪都先吃了一個豐富的早餐，

然後出發。

我，伴娘小姐同媽咪準時到達目的地，

正想入升降機時，

我的電話響。

原來男朋友都在附近了，

而且看到我們進入大廈，

所以我們就等埋他啦。

上到去，

和藹的姐姐就告訴我，

返左好多新款，

我可以慢慢揀。

嘻嘻，

真係開心。

因為伴娘小姐身體不是太舒服，

所以就先由她開始，

這樣她就不用等我那麼久啦!!!

她的目標好清楚，

就是要短裙及有帶的。

合她心意的就只有三條，

所以好快就可以試了。

而且她由試到決定，

所需要的時間都只不過是半個鐘左右，

真係快。

之後，

就輪到我了，

因為身型上的限制，

我都有好多款無得揀。

而且，

自己都是花多眼亂，

只好叫姐姐幫我揀。

試左一件新的婚紗，

著得我好瘦，

真係好開心。

之後，

再試左幾件，

有一件都好鐘意的，

因為有一個好長的拖尾，

但我怕在酒樓好難可以影到，

所以都是放棄。

最終是選擇第一件試的，

那件著得我好瘦的。

其實總共我上過Ballroom三次，

連埋呢次，

婚紗的款就每次都在改，

真係三心兩意。

之後，

就到晚裝，

鐵定一件敬酒的不會改，

另外兩件都改晒，

哈哈!!!

終於都輪到男朋友，

他只是決定顏色就可以了。

我倆都是覺得黑色比較好睇，

著上身都幾合身，

真是太好。

最後一樣是褂，

著上身感覺好特別，

希望那天我會好靚!!!!