16/11/2007 第六天的胡志明之旅

  今日晨咁早起身,準備去MUI-NE,我地先行將行李寄存o係間hostel,帶定兩日夠用既嘢就算,求其街邊食完檬

然後去番sinh cafe等車,嘩好多人呀!

今日呢程車要坐成4-5個幾鐘頭(無記錯),開頭都好有興趣週圍望,但都受唔住睡魔引誘,最後都搵左周公足棋,期間都會係啲大站停低比你去下廁所

終於12:00左右到左Mui-ne,沿途有大型酒店,當然我地唔係住呢啲啦,到達sinh cafe hotel就全部人落車,我地只係買左車票,無book sinh cafe hotel,因為貴囉,但一落到車就會有好多人潦你租hostel,我地最後揀左一間10元美金的,唔差架,有冷氣電視機乾整企理,唔洗行30秒就到海灘的.

我地都同租旅店比我地果個人租左架電單車週圍去,

唔記得幾多錢,因為求方便,我地食完飽飽就渣住架車週圍走,唔洗帶地圖,路得一條,好容易,第一個境點不知名,其實有個名,但我忘記了,呢度都有啲人渣車入嚟,仲聽到遊人講廣東話架,要比泊車費

跟住又去左漁港睇下,

周圍行都無咩人,見到大嬸執魚仔,過去八吓,佢地好好奇咁望住我地,呀大嬸叫我食下啲魚仔,見佢又食我咪試吓囉,咸咸地,佢地將每一條魚仔個魚頭MEET甩佢,嘩咪有排MEET.

排

跟住就攞去晒,晒乾左啲魚仔係咪做魚露呢就唔知道嘞!

太陽開始無咁強烈,我地決定返旅館游下水hea下.

夜啦,又到食飯時間啦,今餐打算豪少少,話晒漁港,海鮮多,去食海鮮,不過我最終都係覺得香港好食啲囉.

今日去左好多地方,好赲,好早睏左,聽日要早起床去漁港,同黃沙丘