好痛呀！

星期六凌晨時份，唔知點解會發夢見到兩隻小強在天花頂行黎行去，個夢好真，嚇得我即刻彈起，衝左出房，但一個唔小心，好似隻左腳撞到張床邊，痛左一下，繼住開燈，四圍視察，確定唔見佢地，我先再去訓覺。

結果，昨早一早起身，唔掂喇，隻腳好痛，原來小腿撞左，痛死我喇！

跟住自己拿支跌打酒捽下啦，d瘀傷即刻現晒，我己經好細力架喇，因為我怕痛。結果，左小腿瘀了一大達，面積好大呀，真係成塊消化餅咁大。

今早，紅紅黑黑咁，面積又大了。好痛呀！

點解呢兩年成日整親左腳架？之前係學校跌落樓梯幾級，搞到小腿骨及膝蓋傷左，腫左，敷左成個幾星期藥。幾個月後，係會所玩跑步機，一個唔小心，又係跑步機"sin"低左，又係整傷左左腳小腿骨，舊患未好，新傷又黎，今次仲勁呀！

唉！

我d皮膚又黑又乾，好似老人家咁！唉！