見識2.....

正當呢幾日忙於工作，開發業務，學習工作再工作當中；

正當早幾日有感自己的渺小，更需努力去增廣見聞當中；

正當苦無時間同年紀大的我不能同一眾年青人迫書展，去排隊；

最後在一本週刊中見識到"叻毛"的威力！！！！

當中在報導及訪問一眾被定為宅男的小朋友，中朋友，甚至成熟男士，

如何看，如何睇，為何被"叻毛"影嚮著，當中的例子真令我目定口呆！！

其中一位少年，中七畢業，我諗佢讀書都OK啦，起碼升到中七，

到書展苦等十小時為的就是"週廋難"的寫真，當這少年得到簽名寫真後，

珍而重之的先帶上家鄉雞專用手套，再將寫真集放入我平時用嚟放菜嘅密實袋，

再加bubble紙包好。過程少年對"廋難"講"我鐘意你"，隨即得一句"多謝支持"的回報說話。

之後，少年被記者訪問，回答內容精要如下：

「晚上攤係牀瞓唔著，女神一句令我好開心，希望日後多啲交流，

直到佢死或我死為止」

「係頭條日報第一次見到女神，覺得找到人生意義，之前死讀書，

女神改變我一生，巳搵到正確的路。」

「改名做Chris，即係Chrissie 嘅子民」

「我太污穢，怕整污女神，所以要帶手套」

「反o靚模的罪人，係因為知道自己無女神咁完美，我都好想幫個啲罪人，

令佢地得到希望。」

以上五段係個位少年嘅說話簡短精要。

我驚嘆"女神"嘅威力！

我驚嘆一個商業包裝的商品會對年青人有如此巨大影嚮！

我驚嘆"女神"比讀書更重要！

我驚少年有一日時間過去，自己浪費咗嘅青春係一個"包裝商品女神"身上！

這，又是我一次的見識！原來，除咗K仔，呢種合法嘅不知不覺毒品，

對青少年嘅影嚮都唔野少！