３０００元的真相 1

我相信任何一位客觀嘅讀者，都會想睇清楚事情嘅兩面， 先至作任何評論。

不過由於我哋公司嘅老闆喺現階段無意對外發表任何意見， 我都會尊重佢嘅決定；我只係想喺呢度post番一啲被人「忽略」 咗嘅嘢，或者大家睇完再諗諗成件事， 究竟我哋公司係咪咁一面倒咁錯嗮啦！

喺我哋老闆5月24號晚上收到Miu Miu主人 嘅投訴時，都同佢提到，我哋舗頭自2006年11月開業以嚟， 服務過超過800隻狗仔；亦都為唔少好似Miu Miu咁，有性格、 心理及陰影問題嘅狗狗成功及安全地提供美容服務， 今次係首次接獲有關美容時發生意外嘅投訴。

由於我哋從未發生過其他任何流血事件，因此非常關注呢件事；亦叫 Miu Miu主人放心，因爲Miu Miu確實喺我哋舗頭流過血，因此我哋責無旁貸， 一定會負責有關嘅醫藥費。相反，我哋從未如今日某報所報導咁，堅 持「小狗舌尖的傷口，並非在 Paw Palace造成。」

我哋打從一開始都勇於承認Miu Miu在Paw Palace 美容期間曾 ”sustained a wound” （造成傷口，見3000元的真相 3：本店寫給 Miu Miu 主人的 e-mail）；我哋亦都同意Miu Miu 舌尖被利器所剪去一事。但對於Miu Miu 主人堅持Miu Miu 嘅舌尖係被我哋美容師用利器剪去，我哋回覆佢大概以下5點：

1. 負責嘅美容師話：毛同舌頭係兩種完全唔同質感嘅東西， 因此落剪時嘅手感會唔一樣； 但美容師於剪毛期間從無感覺到曾經剪過質感唔同嘅嘢。

2. 美容師修剪bear bear 咀型時，鉸剪方向並不會180度與嘴巴平衡， 因此很難想像會剪出如現在的180度橫切口。

3. 以美容師嘅經驗，若一隻狗狗被剪去舌頭， 一定無法乖乖定下來完成美容，更何況係性情兇惡嘅Miu Miu。Miu Miu於美容期間除咗因爲之前嘅陰影（主人向我哋透露過認爲 Miu Miu曾被屋企附近嘅寵物店打過、 亦都承認自己同丈夫連洗面都無法替Miu Miu 完成）喺剪面部同頭部非常緊張、掙扎， 並無出現過一啲過激嘅叫喊、行爲及反應。

4. 當日現場所見，Miu Miu嘅舌頭上面有一點嘅傷口， 而亦都見到有一啲鮮血從該點流出。當日美容師只係用凍蒸餾水幫Miu Miu於美容後清洗傷口，就將佢交還俾主人。美容師表示， 若剪去舌頭，一定會流好多血、甚至流血不止， 並非可如此般用蒸餾水簡單處理。以美容師嘅專業及經驗， 若真係有剪斷舌尖，一定會施以唔同嘅急救手法、 並立刻帶狗狗睇醫生，以免危及狗狗嘅生命。

5. 最後，我哋於接到 Miu Miu主人嘅投訴後，爲保險起見，曾經搵遍美容房、甚至垃圾桶， 都搵唔到聲稱被我哋剪去嘅舌尖部份。

主人站在畫面最上方），當時亦有幾位客人可作證：



用以証明影片時間之相片:



Miu Miu 與主人離開本店：

 

至於第二日一齊去睇醫生，醫生跟本冇講過話條脷係早一日剪嘅。 只係話有一個比較新嘅傷口，預計3至5日就可以癒合。而且， 老闆仲話醫生幫Miu Miu探熱嘅時候，佢都即刻轉身想咬個醫生，咁其實會唔會係隻狗一早已經有行為問題，唔好淨係話唔抹得個咀，而係佢根本就係唔鍾意畀人攪呢?再者，Miu Miu美容前主人嘅一位朋友(Mxxx Mxx媽)亦都親口同我講過Miu Miu係有"情緒病"嘅，咁依家主人嘗試將佢一直以嚟嘅行爲問題都歸咎落我哋度，係咪真係咁公平呢？