Team Building Camp

7&8 Sept

酒店每個月都會搞team building camp

每個員工入職都一定要去一次

返左工一年幾終於都到我去喇...

之前一路都好驚, 唔想去, 因為其他人經驗話俾我知依個camp好辛苦

"琴"高"琴"低, 仲會瘀手瘀腳咁出返離

第一日下晝去到都係係室內玩下group games, 認識下大家

(雖然個個去係同公司既人, 但係唔同department, 之前可能見過面但冇傾過偈)

玩到7點就bbq..大家玩左幾個鐘之後開始熟

9點自由活動我地仲搭的士出去元朗食綿綿冰!

食完返去男子組既房度玩.. 其實都係玩下killer吹下水笑笑笑

上床訓個刻已經3:30am

第2朝0815 b'fast! 因為女子組遲左既關係, 我食左一碗皮蛋瘦肉粥+一個菜肉包就出發啦...

首先要簽"生死狀" (同意書姐~~).. 見到條繩梯已經驚.. 應該有兩層樓高!

* 相入面個個唔係我呀.. 我玩個陣影個d相要問人拎返先有得睇..

玩法係兩個人一group自己諗方法一級級爬上最頂, 拉響個鐘..

我一路係樓下度睇人地玩, 已經有d驚!

平時又唔做運動.. 有冇力爬上去都成問題啦, 但係個一刻又好想試下玩!!

我尾2個group上去, 我個partner好在都算大隻

我一層層踩佢大脾+膊頭咁上.. 而佢, 自己用手臂力撐自己一層層上!!

上到一半已經覺得好高囉!!!!!!!!!!!!!!!!!!!!!!

到最頂個陣因為頭頂冇左條木俾我捉住, 有幾下好似想跌落去咁!! 嚇屎我呀

最後都成功上到頂拉鐘!!!

嘩~~~ 因為有人幫同唔係好辛苦.. 所以覺得好好玩呀!!!!!!!!kakakka

不過, 代價就係...