牛奶妹BB

芷雅bb好可愛架..

未見過面之前已經同佢講過幾次電話..

因為佢成日扭計要搵虎虎, 所以oo家姐無奈每次都要打俾oo

呵呵... 有次oo遞左個電話俾我

芷雅bb不斷重覆同我講.."姐姐呀, 買牛奶妹呀"

人唔到, 禮都要到! 即刻叫oo速遞一盒去俾佢!!!

又自從有一次oo教佢講"姐姐你好靚呀"

之後每次見到佢佢都會同我講..

哈哈哈哈, 好得意呀!!!

終於搵岩時間去探牛奶妹

第一次見面, 佢就係咁拉住我同佢玩煮飯仔 (有相為証!)

玩左一陣因為我同oo要去睇戲, 同牛奶妹講拜拜

點知佢即刻扁咀仲喊添, 出盡法寶, 最後我同oo係要偷偷地襯佢唔為意開門走

(嘩哈哈哈哈, 諗起細個既我呀...)

見牛奶妹喊到咁慘, 決定睇完戲再去搵佢啦

佢同oo家姐一落車見到我地, 佢就舉高手跑過離我度..

跟住係度嗌 '姐姐, 姐姐'

教我如何不愛她...

下面係第二次見面影既相..

發覺佢都幾鍾意痴住我.. 仲拖住我唔放...hahha

依個牛奶妹..真係唔見佢一陣都好鬼死掛住佢...

食飯個陣係都要同我一齊坐

食完飯就拉我同佢去睇龜龜

oo 做左路人甲..

上面兩張係oo姐夫用佢部pro機幫我地影的..

好鍾意oo家姐屋企幅牆, 白雪雪, 好正的影相background..

--

P.S.

家姐今日岩岩入左院準備生b

希望佢順順利利, 唔駛痛咁耐啦!!