給爸爸媽媽

媽咪爸爸:

究竟我係你地心目中係一個點樣既女?

你地希望我成為一個點樣既人?

你地既期望同現實中既我, 係唔係有好大差距?

我知道我自己已經好幸福, 你地俾機會我去外國讀書, 就算幾辛苦都好, 你地都盡量俾最好既我, 自問由細到大, 我想要既, 只要唔係太過分, 你地都一定會滿足我. 依d我真係知道. 但係有陣時, 我真係覺得, 無論我做d乜, 都好似唔係你地想我做既咁.

我知道亦由言談間聽得出你地因為我就離畢業而好興奮同開心, 幾個月前已經開始問我畢業禮既詳情, 又已經開始plan定過離睇我行畢業禮.. 一開始既時候都覺得ok.. 慢慢過左一排, 我開始覺得係一種壓力, 因為我知道我依個semester有好大機會會fail. 一方面聽到你地plan到鬧哄哄, 又有咁多人會離, 另一方面就驚緊如果自己真係fail左咁點算? 成家人take晒dayoff準備過離澳洲, 我就同大家講話我畢唔到業.. 真係唔敢想像個後果會係點? 依科hospitality finance真係考起我.. 我係真係冇晒符個隻.. 考試依d野, 有得溫既, 係咪? 但係我死背爛背都唔代表我可以pass, 我真係冇咩信心.. 所以我放定風話我有可能會fail.. 起碼到時touch wood如果我真係fail左既話大家都有個心理準備..

預左會俾人哦.. 但係我真係冇諗過換離既回應會係:

'唉.. 考試前就唔好返咁多工啦..'

'下, 咁唔合格咁點呀?' ('要再讀過囉, 下年先可以畢業囉..' ) '下? 咁你自己搞掂呀, 我邊有錢呀?'

'咁你冇俾心機讀書架咩?'

anyway, 我真係預左俾人哦.. 之後轉話題.. 話俾你地知我返工個度有升做supervisor既機會.. 我以為依個會係一個令你地開心既話題.. 係唔係我將件事睇得太大太緊要.. 定係你地根本就覺得我做唔到? 點解我講話人地俾機會我試做supervisor既時候.. 換離既reply係:

'下, 咁你要管幾多人呀?'

'點解個個人要走既?'

'哦, 咁咪試下囉, 唔得咪做返依家個位囉..'

'得咪得, 唔得咪算囉..'

(咁你係唔係覺得我唔得?) '咁我唔知喎...'

我唔係想你地讚我到天咁高, 但係都唔好係我未開始既時候就打沉我?  點解係對話之中我完全感覺唔到你地有一絲既開心? 相反好似只係好懷疑究竟我得唔得? 對於廿一歲既我離講, 升職依兩個字我真係諗都冇諗過...返左工三年, 依份係我第一份工, 從來冇諗過公司會俾依個機會我, 因為我覺得唔係話係度做得耐就代表人地會升你. 我以為依個消息至少可以令你地擔心我少d............... 我以為我以為... 所有野都只不過係我以為.....

有時我真係想問一句 究竟你地想我成為一個點樣既人?

我d exam result.. 你地只會問我點解依科得五十幾分咁差.. 點解你地唔會睇到我有幾科考到八十幾以上?

打電話搵我唔到.. 你地只會第一句就話又去左邊度玩.. 點解你地唔會覺得我係返左學校捱通頂做功課?

點解點解點解.. 我真係諗唔明...

有d咩就第一件事諗錢錢錢.. '咁你自己搞掂喎, 我冇錢架, 幫唔到你..'

我講俾你地知如果我留低搞PR既話就可能要搬屋.. 我講出離唔係要問你地欏錢.. 我只係想俾你地知道.. 我係有諗過住係依度d租會好貴依個問題.. 點解第一個反應就係話"我冇錢架你自己搞掂呀.. "

好人好姐唔會無啦啦想自己fail掛? 唔會想俾多幾千蚊retake掛? 點解我話我驚會fail既時候.. 第一個反應又係 "咁點呀? 我幫唔到你俾架, 你自己搞掂呀.."

點解要咁? 咩都係錢錢錢錢..

如果錢真係重要過我既感受既話

我無話可說

只可以講一句

im never gonna be good enough for u

no matter what

i still love u

p.s. karen, angie, connie.. please dun mention anything to our mums after readin this blog. thanks