一隻有精神分裂症的狗！

有個朋友同我講，佢隻狗有精神分裂症，明明係一個人，唔係，應該係一隻狗，仲要係一隻成年既唐狗公，不過呢隻狗教極都唔聽話，成日周圍倒亂，最鍾意係人地門口放低D臭臭，然後就將自己把狗聲吠高八度，好似BB狗咁叫，等D人以為係其他細狗仔做既，但係佢主人一早已經留意到佢做既每一件臭事，有一日佢主人終於頂佢唔順，將佢用狗鏈鎖起，希望佢唔好再去人地門口放低D臭臭，亦希望佢可以定番少少，起初都有D用，不過唔夠三日佢又發癲，由朝吠到黑，一時用自己把老狗聲，一時又吠高八度好似細狗仔咁叫，其他人行過真係以為我朋友養左兩隻狗，其實只係隻精神分裂既狗公係度搞搞震！後來我朋友見，都鎖住佢成十九幾日喇！見佢都冇再點吠，咪唔再鎖佢羅！點知放佢都未夠六十個鐘頭，佢又病發，佢今次唔係學狗仔吠，而係學母狗餵奶！！！