活力動感summer cool

今朝7點起身準備出發入西貢day camp, 出門後發覺好唔舒服, 頭又暈, 又有d想嘔, 不停飲水都嘔唔出, 响坑口入西貢途中抖咗一陣, 感覺好番d.

今日天氣尚可, 1號風球有點風, 天氣報告話晏d會改掛3號風球. 入到camp見到自己要揍嘅女, 依然係問3句答1句, 有點無癮, 後來我嘅社工搵我傾偈, 叫我多d留意吓佢, 因為根據佢留意到一d嘢, 詳情不便在此透露, 其實一早我都留意到, 我亦要求上一個社工覆我佢確實嘅情況, 可惜上一個突然調走咗, 所以冇人跟進. anyway, 依家喱個社工幾盡責, at least會主動同mentors溝通, 開完會會做summary email番俾mentor, 今日由於好多mentors out town同唔舒服, 成組10個小朋友只得4個mentors take care. 不過都玩得好開心.

公司CEO-Jeff Walker都有嚟致詞, 連同幾位主禮嘉賓, 太平紳士, 督導委員會委員, 一齊join埋同d小朋友玩, 玩得好投入.

Jeff 致詞時重申叫我哋d mentor繼續俾心機做好喱個program, 依家受惠嘅小朋友只得120位,  只要政府同青協有需要, 公司願意繼續sponsor喱個program, 可以令到全港約13,000個有需要嘅青少年受惠.

主禮嘉賓同小朋友玩完後, 今日嘅活動正式開始, 由於我個組小朋友係最細, 所以唔可以好似亞wing佢哋玩"整木伐", 不過我哋玩嘅"羅馬炮架"都相當有組織性同刺激.

instructor嘅"安哥"首先教我哋用繩綁好炮架, 原來都唔係咁簡單, 因為我未學過繩結. 反而班小朋友學咗一陣就識, 當然仲有社工嘅assistant"亞俊"幫手. 整好"炮架" 後, 比賽就立刻開始, 每組就攞住數量一樣嘅"水彈", 哨子一响就發炮射過對面, 組員就分配好唔同嘅崗位, 我哋4個mentor就要固定炮架, 即係做"炮灰", 因為唔可以離開崗位 , 所以企响到俾人"炸",  企响前頭嘅同事leslie玩咗一陣已經濕晒, 我就好佢小小. 但d小朋友就玩得好投入同勁開心.

玩完之後就到食飯時間, 一齊去canteen食飯.

今日有6餸1湯, 白飯任裝. d餸ok好味, 有小朋友食咗3碗飯, 嚇得我, 人仔細細得10-11歲. 食咗我依家6日嘅quota.

食飽後仲有小小時間就同同事emily周圍逛吓傾吓偈.

喱個camp site都幾靚, 有紅樹林, 泳池, 燒烤場, 獨木舟, 整木伐, 野外定向, tailor made 嘅遊戲, 濳水等.  d營屋仲有海景, 我已經急不及待問要幾錢日, 原來好平喎, 等我組織吓入去玩多次先.

下午嘅活動就玩咗"珠行萬里", "坦克車快遞" 同埋"迷宮漫遊"

講起"迷宮", 喱班小朋友d記憶力非常強, 贏就唔駛講, 玩完之後個instructor哥哥話佢哋係佢見過嘅勝出者最細嘅兼唔駛用任何工具去記, 只係靠個"腦"記住. 果然勁.

所有活動終於玩晒, 係時候大家一齊share吓今次活動嘅感受.

今次sharing幾得意, 社工用咗"明信片"做工具, 叫d小朋友揀出2張講吓入camp前同入camp後嘅感受.

sharing完咗已經4點幾, 開心嘅時間好快過, 又係時候講"bye bye".