妹妹 VS 細妹妹

妹妹 17months VS 細妹妹 10wks 3days

妹妹：

第一時間，胸部大咗，知道有咗先咗開始嘔，第6週已經開始嘔，第一次嘔仲要唔舒服咗3日先嘔得出，搭搭下巴士，超想嘔，即刻衝落巴士，即時開始嘔水，跟住就一直嘔落去呀!!

覺得頭暈、胃痛；超初唔識，見食親嘢就嘔，就直情唔食嘢，點知後嚟搞到胃痛，要去睇急証；最勁個日，試過一日嘔7次，連飲啖水都嘔番哂出嚟，每次瞓覺都要放定個盤係床頭，因為隨時都會嘔，完全唔受控制；仲試過，返緊工，搵唔到人去接我，即場嘔咗出嚟，要搵清潔工人嚟清理；亦都試過有幾次，去唔切廁所，就咁係啲垃圾桶度嘔，更加試過，垃圾桶都無，嘔咗出嚟係個口入面，即刻跑去廁次嘔埋part 2...

飲食方面：都唔係咁好，食咩都食唔到，因為咩都嘔，但係有胃口食嘢的，要係食麥當勞先唔怕，但係豬柳蛋漢堡唔食得，食過3次，但係3次都即刻嘔番哂呀，仲記得，結婚個朝早，我妹去買豬柳蛋比我食，食完之後即時嘔番哂，好彩未開始化妝，唔係要重新嚟過呀...食咗嘢幾個鐘之後，仲可以完完整整咁全部嘔番哂出嚟呀。

跟住又好鍾意食曲奇皮蛋撻，香港泰昌的蛋撻，可以一次過食8個呀，唔知係咪咁，妹妹現在的皮膚好乾呀。其他的都無咩話特別鍾意食同唔食。

細妹妹：

又係胸部大咗，亦都係知道有咗先開嘔，亦都係咁上下時間開始嘔，不過...

亦都係見頭暈、胃痛；但係成日都唔舒服，唔識講點樣唔舒服，但係總之就成日都好攰，頭暈仲唔似妹妹個時咁，只係暈暈哋，係會轉個種呀，要瞓床先舒服。

現在「吽仔」，比妹妹時辛苦好多，想嘔但係經常都嘔唔出，要間咗好耐先得到出嚟，但係嘔親都係啲水咁，已經消化咗的東西，仲要嘔黃膽水都嘔咗幾次，條喉嚨又「la」好唔舒服；又或者要係廁所「搵」釀一陣先嘔得出呀。

飲食方面：經常都無胃口食嘢，食食吓唔食，只係想飲汽水、食雪糕，想食啲零食，幸好暫時都未要指定汽水、雪糕味道先食呀，都係想食啲飽類的東西、粥粉麵飯唔係咁鍾意食。

仲有仲有，就係腰痛，不過呢樣嘢可能未必有關係，因為妹妹出世之後已經開始有的，維持咗成年呀，後來食咗啲肝油丸(廣告無腥味個隻呀)就減輕咗呢個情況，可能現在又有咗，開始需要鈣質所以腰痛，但係我又唔敢食嗰啲肝油丸(他們聲稱孕婦可以食用)呀，又用其他方法吸收番多啲鈣呀，唔係第時我就手尾長呀!!