妹妹...「玩屎」

25 October 2009

話說，我們每個人都有自己的東西要做，我掛住係廳度上網打blog，人地老豆就打緊NDS，肥婆唔舒服，癲佬去咗賭狗，咁妹妹就放住係佢自己張妹妹床度玩呀...

妹妹現在好曳，沖完涼唔肯著衫，所以昨晚幫她沖涼之後無幫她扣好件body suit...

本來妹妹自己玩得好好地，後來我入房望望佢，都無咩特別，人地老豆話佢放咗個屁，懷疑妹妹痾咗便便，但係我望過又無呀，根住我就繼續上網呀...

間咗唔知幾耐，突然聽到人地老豆係房度傳出啲慘叫聲...

入房一看...

妹妹條片片係地下...

(以下照片，不適合18歲以下人地觀看，如看後，有任何身體不適，請不要找我算帳呀....)

妹妹床度好大pat 便便...

根據目標証人- 人地老豆的描述...

懷疑...妹妹可能因為痾咗便便之後，我pat pat仔唔舒服，因為件body suit無扣好鈕，所以妹妹自己撕開咗條片片的魔術貼，之後仲拿住條片片係咁「揚」嚟「揚」去...

之後人地老豆叫咗佢一聲，係一個無片片，pat pat仔佈滿便便的情況下，坐咗係張床度一下，哈哈...張妹妹床就變成這樣呀...

人地老豆睇到咁的情況...即刻抱都抱唔切...可惜妹妹已經遭殃了....

可憐...我們又要為妹妹洗多次pat pat呀...唉...