網上拍賣

唔知你地有無係網上買嘢的經驗，而我就好鍾意上網買嘢

每次都唔會出問題，次次都收到的，有時可能要收咭再到郵局攞，咁會耐啲，但係未試過寄失

但係今次幫襯呢間嘢，就真係完全有問題呀

原來睇番佢啲評級，真係有前科的：

D.S. - Devily Shop (o≧ω≦)o

http://hk.user.auctions.yahoo.com/hk/booth/gloomydevily

話說係11月3日，我係佢呢間嘢bid左一個印仔，我仲要係bid到最尾一分鐘先至爭到番嚟呀

佢話佢地會係48小時內聯絡買家，但係我就係第2日即刻聯絡佢地，包括我其他仲想要的物品

佢地之後就confirm番我啲物品，叫我係11月12日前入數

而我就係11月12日先至得閒入數比佢，跟住我就返左澳門

到左11月22、23日左右，原來我的物品都仲未收到，準備問他們點解仲未收到

係呢日收到佢地問我，有無收到佢地之前問我，話有啲物品無貨 (佢地與我聯絡的email我都收到，係呢封收唔到﹐咁奇怪，都唔知佢地有無send)

咁都唔緊要，我就再揀過其他嘢啦，11月27日我再覆番佢地我補番啲咩嘢，但係第2日佢又話，我揀的嘢，又無貨呀

之後我再揀番，不過佢無回覆我所要的嘢有無問題呀

到咗12月4日，我要的嘢都仲無收到，我已經特登比多$13寄掛號，我想問佢地，得番黎的回覆係寫錯地址，退番，係黎緊的星期一會再寄出

但係到左12月11日，都仲未收到，再問佢地，只係得到答案話寄咗，問佢地攞掛號的tracking no. ，一直都比唔到，得個拖字

而且仲要好衰咁講，話佢地如果佢不負責的賣家，就唔會回覆我的問題，直接唔理都可以呀

與此同時，我係12月8日係網上的其他舖頭買嘢，12月14日通知入左數，同晚得到回覆會係明天寄出，同樣我都係用掛號，12月15日就收到個tracking no，12月16日就已經收到物品呀

如果D.S. - Devily Shop (o≧ω≦)o係有寄出我的嘢，點會咁多日都收唔到

到咗12月13日先至收到我物品，但係寄出日期(郵戳)係12月12日，唔係佢地講12月8日會再寄出

收到之後都唔係問題，最離譜.......................................

係我最想要的印仔同印台寄漏左呀，問佢地，得到的回覆係要check單先至覆到

(就係呢2件嘢呀:-)

之後，check左2日，要再問先至收到回覆，得到的回覆係退錢呀

大佬，我唔係要退錢呀，退錢我就唔使係11月3日，同人地bid到最後一秒先至bid到個印仔番黎啦

又係度嘈咗幾日...

要求佢地重新用掛號再將物品寄番比我，而今次的郵費，我係唔會負責，因為係佢地寄漏，唔關我地事，仲要佢地係12月25日比我收到

而佢地的回覆就係話係12月23日已寄出，但係tracking no.要係12月24日下午先至可以通知我

不過係12月24日的上午，我已經收到

到最後佢地都無係12月24日下午，通知我個tracking no.

最惱氣的係佢地的說話，好唔負責任呀!!

呢間嘢，真係唔好再幫襯，真係黑店黎的，有心將客人的嘢係咁拖呀!!