妹妹發燒呀

星期四那日臨放工的時候，我老公突然同我講，話托兒所打比佢阿媽話妹妹發燒呀，38.3度呀。

之後我3點收工即刻搭車去托兒所，接妹妹的時候，佢都仲有燒的，跟住返到屋企探熱的溫度都唔係好高，跟住就無同她去睇醫生。

到左半夜4點幾的時候，妹妹的燒都仲未退，雖然只係好少，但係我同老公都帶左妹妹去鏡湖睇急症，去到鏡湖探熱得37度，剛剛好，但係BB發燒係一抱上手就知的，不過問題在於係幾於度的，而那個醫生都好好，肯寫醫生紙比我，我就即刻請假留番係屋企睇住妹妹，如果唔係昨日妹妹就無人睇呀，咁啱我地2個都係返早呀，而且到今日先至放假呀。

唔知妹妹係咪因為出牙仔所以發燒呢，我成日張開妹妹個嘴仔，但係佢好似同我玩咁，伸埋條脷仔出黎，唔比我睇呀，而我媽教我，叫我用自己隻手指比妹妹咬，感覺一下佢的牙肉有無嘢突出黎呀，但係妹妹唔肯食我隻手指呀，咁都係睇唔到呀。

不過妹妹昨日已經退左燒，仲鬼咁生猛、精神，但係有少少鼻塞!!