海洋公園十月全城哈囉喂2009

海洋公園既哈囉喂, 我地今年已經係第三年去啦, 依舊有八間鬼屋根據我地既經驗, 如果一開門即刻入去玩的話, 買普通門票都應該會玩得晒八間, 不過因為唔想排太耐隊太攰的關係, 我地今年買左至尊間票正價既至尊間票都幾貴架, 要成四百幾蚊, 好彩有朋友係裏面做part time有員工優惠, 我地可以以七折既價錢買到至尊門票, 所以就一於試下今年用快證玩, 睇下有幾正啦~~~

我地大約四點九入到海洋公園大樹灣入口, 點知工作人員話山下要五點半先開, 山上既鬼屋五點便開, 建議我地上山玩左先 (山上有三個鬼屋)於是我地一行四人便坐登山電梯先上山上玩啦, 第一個玩既鬼屋係比較有新鮮感既「鐵路驚魂」因為太早既關係, 唔好話至尊門票呀, 連普通門票既入口都無乜人排隊, 所以我地玩果時根本無乜人一齊玩, 得我地四個人行入鬼屋而且前後都唔會驚撞到其他group既人, 所以真係特別驚嚇呀

玩完「鐵路驚魂」後, 我地就走去玩埋山上另外兩個鬼屋啦 - 分別係「東瀛凶間」同「十三號差館」, 呢兩間鬼屋都係暫時無乜人排隊, 我地都係四個人一組入去,  雖然無「鐵路驚魂」咁好玩, 但因為少人的關係, 都有d陰深的感覺

跟住我地就返落山下玩啦, 果時都已經六點零鍾, 所以人潮開始多啦, 而且d人都習慣玩山下先 - 「通靈實驗室」 - 係帶住耳筒聽野既鬼屋, 差不多每年都必定有一間鬼屋係咁形式的, 熄晒燈聽住耳筒有d特別效果黎嚇你, 我地都覺得無乜特別「魔大迎新夜」- 以學校主題做既鬼屋, 「高街鬼屋」- 瘋人院做主題, 兩間鬼屋驚嚇度都是一般, 不過都好配服佢地d佈景, 夠真實又核突, 好有心思

最後我地去埋大樹灣, 玩埋最後兩個鬼屋 - 「冥通中心」同「彭氏兄弟之鬼域」「冥通中心」都幾恐佈, 因為有d紙扎公仔, 彊屍先生呢d比較中式既佈置至於「彭氏兄弟之鬼域」, 呢間算係今次既主打, 係咁多間之中最大, 行得最耐既鬼屋, 雖然我地無睇過呢套戲, 但由於夠晒大同埋d鬼都幾密雜下, 所以係最好玩最驚嚇的, 我地都玩左兩次

去海洋公園既哈囉喂, 點少得同四週既鬼影下相呢, 呵呵

"邊子"姑娘呀~~~~

今年買至尊票真係輕鬆好多呀, 唔洗點排隊玩得晒之餘, 仲夠時間玩埋機動遊戲, 仲可以慢慢同d鬼影下相, 正呀~~~~~