09年聖誕節 Christmas Party

今日係Boxing day，我約左去舊同學屋企開party，因為要交換禮物，所以我好早就買定禮物，趁減價個時已經買定，不過就琴日先至包。唔知係咪最近多左做衫，以前既手工天份好似返哂黎。冇預先plan架，一面包就一面有靈感，都包得幾靚吖，係話？

同學屋企勁靚，覆式連天台，仲有個大大個平台，我地就係平台度燒野食，不過因為好大風，我地冇出去坐，燒好攞入飯廳食。

狗仔Pinky好得意，不過我成日整蠱佢。

牛排好好食，係安格斯牛尼架。

睇下幾多禮物，我地由年紀最細個個先抽，抽中邊份就由買個份禮物既人頒獎

最後我抽中一對碗，係我同學個女買既，而佢又咁岩抽中我份禮物，係hand cream黎架，我自己都想要呀。