第一天唔著片去街

2009年5月24日 (日)

戎左片一個星期多D，細佬十分喜歡著底褲仔既日子，睡午覺同夜晚睡覺都成日想唔著片(不過仲未得，因為仲會濕片)！ 星期日去街，原本都想同佢著片，但佢話：唔要著片片！ 好啦，見佢呢個星期都有唔去廁所一個鐘頭既時間，就同佢試下唔著片出街啦！

今日去左沙田同爺爺嫲嫲飲茶，再各細路買左對同款靚波鞋仔(鮮黃色)，之後嫲嫲帶細路坐的士回沙田家，我同爸爸就二人行一田，買左兩套新床單同一套 KERO床單！( 點解無THOMAS床單既?) 之後就返沙田家坐到食晚飯再回家了！

全日媽咪每30~45分鐘同佢去一次廁所，偶然佢自已又話去廁所( 叻仔)，結果全日都無濕底褲仔，不過連睡午覺都堅拒著片........唯有強行同佢著片，好在著左，睡左個半鐘，條片濕左啦！ 我都知你好唔想著片片，等你睡覺唔會尿尿成功後，我一定會俾你唔著片片的！

結果 ~ 安全抵達家中 ! 叻叻 :)