細B第一次游水

2009年8月22日(星期六)

上午9:30-10:30

搬左新屋，有個靚會所，仲有個正游泳池，當然要來個下水禮！

哥哥今日跟爸爸出去睇戲，剩低媽咪同細B，一於約埋婆婆去游水！

早上9:00媽咪煮左通粉，食完後，換泳褲仔，帶埋熊仔水泡船向泳池進發！

早上9:45去到會所泳池(池水到媽咪心口)，抱左細B入熊仔水泡船，坐係船入面一D都唔驚！

媽咪攬住架船去前游...... 細B好開心呀！

我同細B係度不停來回周圍游，婆婆一路游水一路陪我地玩，當我地用水潑細B時，細B好驚呀! (要玩玩下去練下佢唔驚水先得，繼續努力!)

玩玩下，我地去左BB池(池水到細B腰)，細B帶埋熊仔去坐，但太淺水啦......又上返去泳池按摩邊~有石椅邊~到再玩水，周圍行！

玩到10:30再去溫水按摩池度玩，個度唔準用水泡，細B就係石椅邊度行來行去！

10:45玩完去沖涼啦！