又一書

 

等咗成個月, 終於都到手啦~

原來郵局送咗去隔離座~

但都好奇怪,

唔係佢哋嘅書都照要???

好彩我死追爛追亞馬遜先知郵局送錯,

如果唔係我就白白比$$而無書睇啦~

 

 

 

 

1. 呢倆本係訂比我自己睇嘅~

其實我都好喜歡睇畫冊, 只係細時無咩機會睇,

家吓借大寶之名就可以係咁買係咁買啦~ 哈哈~

內容係講中國傳統時節 & 特色,

我覺得係比大人睇多於小孩, 字簡意深~

睇落好有意思嘅~ 

我好喜歡~

 

 

 

 

2. 呢套書係之前已買過一本來睇, 就係 [一天天長大]

大寶睇完好喜歡, 不停問我其他個d呢??

因書背有齊咁多本封面, 所以就買哂全套慢慢睇~

 

 

 

 

3. 暫時大寶只喜歡 [第五個] 呢本~

因為係講公仔玩具, 而且仲係溶溶爛爛嘅,

同佢d玩具好有共鳴.....

 

 

 

 

4. 唔知關唔關大寶性 ( 楊 ) 事, 凡係羊嘅書都睇到入哂神~

 

 

 

 

5.  [ 布魯姆博士 ] 呢位主角嘅所作所為,

大寶一路睇一路笑~

好似大寶呢, 都係傻瓜蛋~

 

 

 

 

6. 一睇個封面就知又係笑書,

上, 下 倆冊共15本,

食飯時一路睇一路講,  個嘴仔好唔得閒呀~

 

 

雖然係同一套書, 難得都有溫馨感人嘅故事~

 

 

 

 

7. 立體書係買比細寶嘅,

但大寶太專制, 太自私, 係都唔比細寶睇,

佢個解釋係 " 我睇完先讀比佢聽啦, 佢都未識睇,佢睇我睇得啦...."

呀大佬寶, 你咩都唔比細寶玩, 唔比細寶睇, 剩係睇你??

你有幾好睇呀??

唉......

e + 細寶就話任我哋舞啫, 再過多2, 3個月,

倆個打交都有之....

 

 

 

 

8. 又一套裝書~

其實睇得咁上下, 有時我都會亂,

但大寶就犀利,

邊本書有 d 咩佢都記得, 就連 d 小配角都記得~

整到我都要好比心機去記,

大寶最鍾意就講 " 我想睇小羊書呀, "

呀大佬呀, 你有成5, 6本係羊羊做主角嘅書, 又有十幾本有羊出現嘅書, 邊本呀??

" 呢..... 講食草, 食地球嗰本呀!! "

就係咁, 我又要即時幫手諗, 幫手搵,

雖然書唔係多,

但咁考我都有 d 壓力....

 

 

 

 

呢期卓越亞馬遜嘅收獲就係咁多啦~

呀四又要埋首講古啦~