明星.........^ ^

一口氣寫 2 篇blog.........真係好耐都未試過咁爽 ^^

記得大約3日前 , 好似係返中更 , 有個客上黎攞存碼喎 , 通常我地都會順便同個客吹下水 , 講講下 , 佢話 : "我頭先見到劉德華係樓下大笪地果度拍緊戲呀 !!"

嘩.........其實真係有d羨慕 , 雖然我唔係華仔既fans , 但係都想見下佢一面 , 事後再上網睇番 , 有d澳門討論區講 , 原來呢次拍戲請咗好多兼職臨記 , 包括莊荷在內 ,好似有成幾百人 , 因為呢套戲舒淇都有份拍 , 所以被選中既人有機會同佢地做對手戲........

自從入咗呢個集團做野之後 , 一做都做咗3年咯 , 大大話話都見過幾十個明星 , 有時會跟埋老細一齊過黎 , 好似2月份春茗果陣 , 老細都請咗成圍明星過黎參加我地公司春茗 , 仲有一齊抽獎添 , 見得多 , 見慣不怪 , 其實 , 明星都係人 , 冇架子 , 都幾好傾架   ^^