豬爸入院....幾乎嚇死豬

上星期，11月1日晚上去睇詹詹的男人之虎。琴晚因為去完哈佬喂，好累所以就sleep到成10:30都未起身。琴晚哈佬喂完全唔驚，但就好好玩。

琴晚係唔驚，但1日一早就俾個電話嚇醒，驚到想死。

呀媽一早打黎：「你爸入左院，o係急症室搶救緊，心跳同血壓都好低，個身貼晒d儀器，你唔好問喇，快d過黎。」

wah....乜事?....我當時就即刻換衫，都唔知著乜喇，是旦啦....咁就走喇。落到街當然第一時間坐的士去，去到醫院時，中途打電話俾媽，但又打唔到俾佢，超驚。坐的士的時候已經o係度亂諗嘢，諗多兩諗眼淚幾乎流出黎，但最後都控制到，去到醫院搵到媽先算，唔好亂諗。

終於搵到媽了，見到豬爸時.....e?無事呀，有d精神wow，講到嘢呀...........

原來係大堂d廢物呀姐亂用字眼，嚇到我地死，唉....新界醫院真係.........

豬爸原來係腰背痛發作，痛到起唔到身......好彩.......雖然鬆一口氣，但都要留院，不過就無「想像」咁嚴重，但都係唔郁得(其實都幾嚴重)，只係可以郁下手腳。比起搶救.....好好多!

而家都仲留緊院，但就精神好多，起碼可以有氣話我，我情願佢有氣有力話我喇，雖然煩，但我希望佢可以繼續煩我。呀媽就辛苦喇，日日都要去照顧佢，仲要生日tim，我就送左一札花俾我媽，佢收到開心到爆啦。

經歷過比唔佬喂更得人驚的早上，幾乎失去親人的感覺，令本豬更加珍惜親人，朋友。好在本豬一向都識珍惜，因為失去的時候先識珍惜，可能已經..........

總之唔好令自己後悔啦.....祝老爹早日出院，繼續睇國家地理........桌球.........

(豬都有d安慰，因為o係醫院度見到學生畫的畫，掛左o係走廊度做裝飾，唔.....總算無白費本豬的心血，同埋覺得教畫幾有意義。哈)