師父入左院....x_x

星期五晚上，豬送左教畫畫的師父入左院......(唉，做乜愈黎愈多人要本豬擔心ga...)

其實上星期師父打俾我，話身體有d唔舒服，我都已經叫佢唔好翻畫畫教，同埋去睇醫生。日日打電話叫佢休息同睇醫生，佢就係都唔聽，真係激死。

結果星期五早上睇完私家醫生，建議佢去醫院睇下比較好。師父當晚終於打電話俾我，叫我星期六陪佢去睇，我當然無問題啦。但諗落佢去左睇醫生，我又唔去教，咁班學生點哩?結果就星期五晚去左睇喇。

結果o個晚就同師父去左醫院睇急症，好彩無乜人ja，入到去時已經晚上十一點幾，等左一輪，做左一輪化驗....等到三點幾，終於等到喇報告喇。諗住食d藥就可以走，點知醫生話無問題，幫佢安排緊入院ga喇.....「下?入院....」師父即時呆左，好驚。因為師父係未入過院，平日連醫生都唔駛點睇，所以今次好緊張。我就預左佢要入院，所以就無乜特別。辦過入院手續後，成三點半先走得，好累，加上第天要一早回去教學生，簡直想死。

師父係豬的恩人、恩師，加上佢香港無親人，全都在大陸或外國，所以哩單嘢唔係豬做，仲有邊個做。我唔會有怨言，因為以前有一段時間，都係師父照住我，而家要我幫佢做少少嘢都哩樣o個樣的話，我仲係豬黎ga咩。

做人做豬都好，要識得飲水思源。唔係只係一味人地幫你或一味靠其人地，而就一d都唔打算報恩，甚至恩將仇報。有d人只係需要你幫時就記得，其他嘢就乜都唔記得，要佢做少少嘢就哩樣o個樣，簡直不知所謂!! 不過哩個世界就係咁多哩d咁ge人。可能係你的朋友甚至親人都係，我對人已經心淡左好多，唔會寄予期望，當然亦唔希望自己係令人心淡的豬，努力的修行，盡力做隻好豬......哈......

近日的話題好多都好唔開心，爸又入院、師父又入院、媽又唔舒服、屋企又有煩嘢，點解哩.......明明係一個好無聊的blog，分享下吃喝玩樂吧，好休閒的，點解....睇黎下個月的wargame，豬都係要去發洩下先得，路飛小隊要出擊喇~~~~~~

大家記得要保重身體呀~~~~祝各位身體健康啦~~~~