畫給助養女女的snoopy~~~

這是畫給我助養的小女孩的snoopy。

今年初我同小寶透過樂施會一齊助養左一個孟加拉的小女孩。之前寄過一封信給她，半年後收到她回信，信中有一幅畫，係花黎ga。我地收到當然好開心啦，決定即刻回信，並打算送番一幅畫俾佢。我睇左好多幅畫，想畫一幅花俾佢，原本想畫一朵向日葵的，但諗諗吓，不如畫一張卡通畫啦，好似開心d ma，於是就選擇snoopy的向日葵田啦，哩幅多好向日葵ga。

起稿唔係太難，一晚已經起好，但後面個向日葵田就畫到盲左啦…..x_x。哈，雖然唔係太過跟足比例，但都唔係太緊要。幅畫係以木顏色完成，由小寶及其妹蚊蚊一起落色。向日葵田大部份就係出自蚊蚊手筆，當然梗係有在下的最後加工啦。其他人物大致都係佢地兩個完成，而我就主要係油綠葉同埋後期製作啦。

完成品~~~哈哈!! 好快幅畫就會去到孟加拉ga喇!!(影出黎唔夠光tim...)

做善事係好開心的事，見到個小妹妹而家有書讀，又有翻d笑容，都覺得好開心。每個月都係付出少少，唔會影響到生活的情況下做善事，何樂而不為哩。四川地震我都損左部PS3出去，但係反而覺得好開心，哈。有錢出錢，有力出力啦。