食咖哩...正呀~~

今日(22/10) 我同以前同事呀民 約左 michelle大人食飯補祝生日，真係多謝shell大人賞面呀。

原本諗住去風月堂，但實在太多人，去到都懶得等位就走。跟住去左以前食開的一間日本野，點知因為旺角重建而亦都"接埋"左。結果呀民就提議去"咖哩王"，而我就勁中意食咖哩，當然唔會拒絕啦。

消費唔貴，而且好食，大陪份都有印度餅跟埋，非常好抵食。

這是咖哩角，一定要食~~

這是印度咖哩雞，味道似我師父教整的。

而我整的就仲未有1/10的水準......諗諗下，不如買份跟住打包請我個friend食，就當係我煮算喇......

這是咖哩炸倉魚，ok啦。有少少"星"...但都ok。

這是咖哩大蝦，但蝦就唔係好大....但咖哩好味。

這是.....羊......好食。唔記得叫乜名，但羊煮得好"琳"......

睇上去碟碟都差唔多，但其實味道有少少分別。三個人食都係$300，平靚正~~

為左煮到好食的咖哩，我週圍去食不同的咖哩，希望食到同煮到有水準的咖哩，師父教過我整，但已經忘記得七七八八。搵日得閒在夢入面講翻一次吧，睇翻自己blog都唔記得呀，死未。

食過咖哩，跟住就去左食甜品 (原來 michelle 好食得ga.......哈哈)，好似叫糖百府，好多靚女去食ga，仲好多人tim。我都係學整甜品啦~

我叫左個咖啡味 +朱古力+花生粒.......ok 啦，不過我中意食許留山的甜品多d......但哩度多靚女食......

食完個甜品，(唔好講食完，呀媽會炳ga~)，飽到爆呀~~多謝shell大人~~

shell大人係我以前的上師，即係我呀大，但其實我地差唔咁高咁大，但佢高我兩級，做事又好，所以我勁佩服佢~~加上又靚女，又溫柔，太完美喇，簡直係天使化身。

工作好似地獄....又未至於，人間啦，在人間見到天使的感覺，哈哈~~幾好哩~~

呀民就係妁前的同事，而且係我wargame的戰友 tim，好人一個啦。不過佢好似又肥左，我地兩個都係肥文(民)。哈哈哈......今日佢仲俾左兩支手槍我試，重到爆....

可以同靚女 仲有 friend食飯傾下，一洗悶悶的心情，真係非常滿足。