訓唔著

朝早收工返到屋企，訓落床成粒鐘，碌o黎碌去都訓唔著，o甘起身上o下網啦，心諗上完可能會訓得著。但真係合該有事，上完更加訓唔著。因為去o左一個專賣古舊模型o既商店網頁 www.oldmodelkits.com，竟然俾我見到 D 搵o左十幾年o既心頭好出售，而家更加訓唔著..... 

偷圖都要做一次俾大家分享!!

Revell 出品，一個有好多真引擎 function o既 C-130/P-3/E-2/C-2 噴射螺旋槳引擎模型!!!!! 不過....... 真係買唔起...... 埋單返o黎要成五千蚊港幣...... 

十年前，o係星架坡見到有模型舖砌起放o左o係飾櫃，仲駁埋電轉轉o下，即時流哂口水，於是我用 6 個月時間，每星期都走落該模型舖，利用我o既消費力同唇舌 LUR 個老板割愛，但個老闆卻誓死保模型!!!

Monogram 出品，識拍翼o既飛機，當年旺角近水務局果間模型舖有售，當時年幼的我，施展渾身解數去同老父扭計要買，但都被老父鐵腕式鎮壓拒絕，留下一個非常大的遺憾，而家見返佢，好感動!　

睇完一輪, 覺得美國人o既創意唔比日本人差，而 Monogram 及 Revell 兩大美國模型廠的出品種類亦非常豐富，但佢地今日落得如斯田地，令人感到可惜。