網誌分類：砌模型 |
個模型倉被迫遷，搬o左，攪到一頭煙，最近執到七七八八，所以先有心情坐低寫o下BLOG....
o係討論區見到......
http://hk.myblog.yahoo.com/tototonlai/article?mid=4418
睇到模友 D 作品被香港貿易發展局糟蹋，佢地只係對模友提及可以Claim 保險云云，而無向模友作出任何交代，一味將責任推俾運輸同保險公司.... 究竟佢地有無尊重過作者?
呢件作品唔係玩具!!!! 係藝術品!!!! 賠就梗係要賠償!!! 但有錢賠唔係大哂!!!! 作者係要貿易發展局交代清楚o者!!!!
o甘o既心態，憑乜o野攪西九?
YSL 2008-09-22 19:54
愛喫草的綿羊 2008-08-21 09:22
香港人的眼光就是這樣，玩槍，砌模型這些活動就是「無聊」、「浪費金錢」、「找不到錢」的東西。
一到報紙檔就知香港人愛甚麼了，汽車、AV、相機雜誌就有佷多，但甚麼「模型」、「玩具槍」等雜誌很多時細間點的報紙檔都找不到。
相對地去賣西文雜誌的地方，模型雜誌多到要用兩隻手才數到，而且種類很多，只說專門一類模型都有。
一看當地雜誌檔就知當地人的生活質素如何。
漢堡神偷 2008-08-03 00:03
豬兄~~ 好耐無見....
看見你的回應, 真是有感而發, 我也不只是一次俾人問砌咁多模型做乜, 做乜花咁多時間係 d "公仔" 上面 (我真係唔明點解d 人會將機械人, 同公仔當做同一樣野...)... 我唔會正面回應佢地, 因為唔想解釋咁多....事實上, 我心裏面都係同你同一個答案, 點解行街, 睇戲食飯, 落 d , 唱 k, 劈油, 溝女, 等等, 果 d 就唔叫哂時間, 砌模型, 打機, 就叫哂時間??? 我心中有數, 因為砌模型, 一般會當係細佬仔玩意, 而我地咁大個人仲係度玩就叫哂時間... 可能有 d 人睇到我呢個回應會覺得我長唔大, 唔識諗, or 自閉仔, 電車男... 等等... 事實上, 我只係覺得, 自已開心就得啦, 我又唔係真係自閉, 又唔係唔返工日日係屋企玩~~ 駛乜解釋咁多, 時間係自已既, 中意點用就點用~
Gwai 2008-07-29 00:51
豬兄：
你篇回應比正文更好看。
每個人對自己的所好都必然視為珍寶，我也是模型友，當然明白。只係我愈加反思，就愈認為模型縱是藝術的一支，但卻不能因此強加到不玩模型的人身上，要求他們給與模型更多尊重或優惠。我的想法是，在欣賞品味上，不須一般人對模型的關注多於對其他事物，但卻不應少於；凡涉品味的東西，都應一體看齊，得到均等的公平對待就可。當然，有些人對玩具真有歧視，但我敢說，這類人對藝術亦同樣歧視。
豬兄，我倆其實認識多年了。你問問109、Mic哥、Elephant、雄哥等，他們都知我是誰。你也不要怪我前文惹火，係要擦點火花才好玩哩。Gwai 2008-07-27 00:31
豬兄，你誤會了。
小弟意思係，任何物品都應該在貿發局的受託期間得到全面的保護，管它藝術不藝術，玩具不玩具。更且，如果貿發局不欣賞這類 miniatures，根本就不會邀請Tototon的作品到抗州展覽，故足見貿發局重視。但貿發局錯在於這個project上或用人不善，管理不順，事後又未能及時徹查清楚，變得拖泥帶水，意欲蒙混過關。這我們不能接受。
你說你既無明言其他非藝術品可以不受尊重，那麼我前文的意見似乎就錯怪了你，但，請明白，我或許真誤會了你，但你前文明明凸顯了「呢件作品唔係玩具!!!! 係藝術品!!!! 」，在這個前提下，意謂玩具與藝術品確有分別，並且後者必須要刮目相看地得到更多優惠處理。可不是嗎？
豬兄，我不是來踢館。我喜歡你，所以我才留言，說想說的，又覺你不會生我的氣。交流如果不坦率，還有什麼交流可言呢。豬2008-07-29 00:25
在模型友眼中，每件作品都是嘔心瀝血的作品(包括砌得一榻胡塗的)，都是藝術品。
在人型玩偶愛好者眼中，每個人偶，每件人偶衣服，都是藝術品。
在動漫愛好者眼中，每個動漫人物，故事，連動漫愛好者自己畫的同人誌，都是藝術品。
在 A/V 界中，每個投影機，每套精彩動人的高清電影，對他們來說，都是藝術品。
但在社會上，絕大部分人都認為係玩物，是"玩具"，是可有可無的，是無聊的，不能賺錢的，他們口中那個詞語 "玩具"，當中意思是貶意的，帶有歧視成份的。
我曾被同事問及："你砌模型有無賺錢的? 如果無，砌o黎做乜?"
我答："無。"
但心裡有下半截的答案："你晚晚o係屋企睇電視有無錢收? 無o甘睇o黎做乜?"
從同事的發問中可以聽出，是間接話我："砌模型浪費時間精神， 非常憨居!!!!"
我覺得你並未能體會當中的含意，如你真的體會其他人口中 "玩具" 的含意，那你一定能明白我所說的。
當初真的覺得兄台你是來踢館的，但兄台你再留言解釋清楚，氣消了，亦令小弟攪清原來是自己語焉不詳，令兄台產生誤會，希望兄台多多包涵，勿怪小弟，再次光臨交流交流!!!
Gwai 2008-07-26 03:30
斗膽講兩句。件事其實同模型沒有必然關係。
我們不妨設想，譬如，每年香港都舉辦有各大學自行設計的機械人比賽，如果今次事件的受損品正係一件準備送到內地示範的機械人，我們是否也感同身受，侈言貿發局不尊重大學開發的機械人？又或者，如果受損品係一件傢俬，是否也可說貿發局不尊重傢俬？
那件《和昌押》作品固然漂亮，但作者tototon因此說香港的模型製作人地位「披靡」（卑微），飯碗不保，妻離子散，香港的模型業或嗜好不受尊重，這就完全是借題發揮的抽水。
如果模型係藝術品，因為受損而令我們憤怒，那麼以上例子的機械人、傢俬甚或任何「非藝術品」受到同樣對待時，旁人如我們就可以冷漠不予追究麼？
我們憤怒係因為貿發局的官僚作風、工作效能、效率，與及道德責任的不濟！這與受損品是什麼東西沒多大因果關係。豬2008-07-26 14:32
露 天 馬 場 2008-07-24 01:57
豬兄......
你响yahoo blog 消聲匿跡咗足足三個月.......攪咩鬼呀 ?????
等緊你發表新一輪 "偉論" 呀
130 2008-07-23 22:13
好明顯的官僚心態。
☆斗市民 2008-07-23 14:33
班九官肯請香港人上去跟跟可能好dd, 可惜一般國內人都會以咁既方法對待貨物............我都見過國內工人由貨車一腳伸左件音晌落地......查實拎上杭州為乜? 作品幾靚都唔會令國內人有共鳴架啦...........
109 2008-07-23 02:01