トロと　どこでもいっしょ

以前一直對トロ沒有特別興趣。自從上年買咗隻トロ匙扣之後，覺得佢幾攪笑。今年年頭又唔知點解，買咗幾件トロ既可愛T-shirt，開始留意多咗トロ產品。

最近，多得豬同事既「引誘」，送咗張トロPS3宣傳用チラシ俾豬女之後，一向好少打機既豬女，竟然走咗去買隻Game 玩。最抵死係，上個禮拜响Game舖見到$299有野送冇買，早二日見到$328冇野送，立即走去俾錢買。　就係咁樣，豬女就跌落トロ既火坑之中。（當然，順便拖咗鍾意トロ既兔仔，一齊跳入火坑，哈哈）

「トロともりもり」既中文版譯名為「多樂貓　歡樂喵派對」，有PSP同PS3版本，不過豬女只係見到PS3版。聽熊仔講，トロ呢隻Game既評分都幾高，36/40（出處不詳），呢個都係想買o黎玩既原因之一。

講番隻Game，分別有Story Mode及Game Mode。Story Mode係同トロ一齊尋找「多謝」（ありがとう）之旅，簡單o黎講即係去冒險，嬴咗Mini Game就可以過關，o的Mini Game都幾好玩架，最鍾意係トロ「拉枱布」。最令人驚訝係，個Narration竟然係水樹奈々配音，唔知會唔會「扼」咗奈奈粉絲去買呢？

 
Game Mode裡收錄超過三十個Mini Game，形式有個人，對戰及協力模式，最多四人同時參與遊戲。Game Mode最初只有十種，部份Mini Game响Story Mode過關後，會新增至Game Mode裡面，而且難度會隨著Level Up之後有所提高。每個Game完o左之後會有Ranking，如果去到S或SS級的話，好似會有Bonus或新加Item之類，不過詳情就不太清楚。

 
除咗玩之外，仲有野睇。今年係「どこでもいっしょ」十週年，响Gallary裡面，收錄自1999年開始，有關トロ的插畫、設定資料及音樂作品等。

トロ迷不可錯過。

トロともりもり　Official Site:
http://www.dokodemoissyo.com/toromori/index.html

呢張係「どこでもいっしょ」10週年wallpaper，留意右上方：

「ありがトロ、よろしクロ」