聲優雜誌入手

最近超忙，今日終於有時間update吓個blog啦！

早二日托朋友買的聲優書到手。呢二本聲優雜誌，豬女個幾月前，已經响信和見到，原本想買番本睇吓，見到信和賣的天價... ...唉！算啦！都係托人去開日本先買算啦！

（圖左）Pick Up Voice Extra - Gundam OO Special Vol.2 (1,680yen)

主要介紹Gundam OO 2nd Season的聲優陣容，大都以男性聲優為主，除了Gundam Master四人及劇中主要角色的訪問外，同時也收錄Pick Up Voice 於08年11月(vol.13) 至09年3月(vol. 17)之間，男女角各一的連載，如果冇買之前幾期，買本Special都唔錯。

（圖右）Pick Up Voice Vol. 21 (1,200yen)

買呢期的原因，絕對係為咗碧流姐姐三大頁訪問，第一頁一張大相，第二頁全部是訪問，第三頁有大半頁係相，實際上只有1 -1/3頁訪問，而且相跟CD裡的相一樣，冇新相，老實講有o的失望。不過淨係睇個訪問都幾滿足，訪問中用了不少篇幅報導她沒有再與Sony續約之後的心情及想法，反而介紹新碟所佔的內容較少。不過，除了Pick Up Voice外，似乎沒有介紹碧流姐姐出新碟的事了，所以對我來說，是必買的產品。

其實豬女好耐都冇買聲優雜誌啦！對近年新晉聲優的興趣真係麻麻，基本上見到個名都唔識，而且個個都咁後生，唯有講一句，「我老啦！」

另外，之前托小方訂咗真綾姐姐的DVD，她於日前只收到一張，小方話「反正我睇咗現場，俾你睇先」，早二日帶咗返屋企。不過仲未有時間睇。