福大命大

本來都唔想寫呢篇Blog

但我諗點都要記錄低呢件事！

懷孕30週時，搭巴士落車，唔小心跌親

因跌親引發陣痛，入院打左2支BB強肺針，因為怕BB會早產....

最後好彩經過一晚陣痛後，第二朝情況有改善，所以無事！

但星期日﹙11月22日﹚，更大件事發生係我地身上！

當日我地全家人食完午餐，回程途中，遇上車禍！

當時我地係大路，有架小路出大路既車，完全唔睇指示停車，就沖出黎....

當我發現叫大皇停車時，一切已經太遲啦！

只係幾秒間2架車就撞埋一齊

當時我腦海完全一片空白，直到見到車既氣袋彈晒出黎，車頭出晒煙....

我轉頭見小公主無事，大皇又事....個心定一定！

但跟住我就成個人震晒，不停流眼淚....摸住個肚，好驚！好驚！

只係短短幾分鐘，消防車、救護車就到埸，有幾個途人拖住我手，安慰我....

好好彩，因為依家個肚太大，所以，我將安全帶，放係肚臍下面；

救護員到場第一次時間問我，安全帶位置...

如果安全帶係肚皮上，甘BB就....

最後　到急症室後，BB一切正常！真係要感激上天！

架車爛晒唔緊要，最重要係，我地全家人都平安無事....

所以，真係要好好珍惜所擁有既一切一切！