曼谷2009 Day 2 part 2

Day 2繼續

食完雞飯我地去左Central World行下, 見到Central World出面個廣場好熱鬧, 原來係食品節, 不過啱啱食完野, 所以冇再幫趁

 Central World 行左一陣見到post-it擺左個promotion, 有幾個 promotion girl 都幾鬼靚, 偷影左幾張, 不過全部out-focus

 跟住又去左mango-tango食甜品

食完老公再去mos-burger食左個餐, 我就去左boots買野, boots有好多野買一送一, 用開個支青瓜洗面膏75baht買一送一, 買左14枝, 夠用一年

 係boots買完野就去左Naraya買袋仔, Naraya超多人, 買左個手袋仔就走lu, 拎住一揪二揪, 本來應該番酒店先, 不過我又想去central chit lom行下,所以又去左, 結果梗係有戰利品啦, 最後終於可以番酒店. 老公攰到已經係central chit lom既長椅上面瞓著左, 所以我獎勵佢番酒店小睡片刻, 我就檢視下d戰利品

 係酒店休息一輪我地就向jj market出發, 其實之前冇諗住去jj, 不過又想買lemon grass house既野, 咁見jj有咪去搵下, 之前有網友post過係section 5, 不過我行晒成個section 5都搵唔到

結果只好買其他按摩油頂替, 野就冇乜點買, 不過係JJ食左好多野

行完jj, 我地坐mrt去唐人街食晚飯, 同去林珍香買手信

我地本來諗住食T&K, 有冷氣嘛, 如果唔係老公會融, 不過T&K太多人等, 所以肚餓戰勝左天氣, 幫趁對面L&R, 我地覺得比T&K好食喎, 結果第二晚翻兜, 仲俾我地見到大明星添

食飽飽, 去林珍香進貢左~$1600, 老公話不如去big c買埋d必須品, 拎多2個紙箱, 咁我地就跟手截左架的士.

 同司機講去big c, 佢唔識, 同佢講去 central world, 佢話ok, 跟住車左我地去victory monument 叫我地落車, 同我地講central world…..再同佢講not here, chit lom bts, 佢先話 “哦”, 激鬼氣, 同老公落車自己搭bts去過

去左咁多次泰國都未試過咁激氣

之前去jj既時間候架的士已經係咁話車我地去jj附近一個地方參觀, 可以拎番160baht油卷, free呢程的士俾我地, 我地都唔理佢, 估唔到結果都係衰係的士度

之後一晚做完spa搭的士番酒店又車左我地去第二度, 搞到我依家搭的士都有d驚

 去完big c, 就行去chit lom 搭bts番酒店

當天戰利品