停不了的Trip 與 工作

     睇番對上既Update日期,原來自己無寫成兩個月Blog有多了....其實小妹並不是懶而不寫呢...
事關9月份時岩岩轉左新工做,而咁岩個排又要番學,又要接Job,又要考試,時間排得密密麻麻,
所以一早都寫唔到,為左唔想令個Blog變做廢城,我決定今日開始每星期都要抽番少少時間出黎寫下Blog先得喇! (順手練下打字都好,雖然而家一分鐘打字都有成6x粒)

     先講下我番工近況先,由我正式無做之前份工起第2日就已經搵到新工做了,而且仲好幸運地一見即請(好開心咁快就搵到工呢),新公司除左個個同事都好Nice之外,而且仲好旺我,因為公司樓數係我既Lucky No11號,而我既員工No亦有個1字尾,番左一星期工唔夠就要跟公司總經理出去搞活動,而且亦有幸同我一直都好鐘意既余詩曼影相(TVB上仲見到我自己個樣呢=.="),之後仲可以出Trip到義烏,廣交會學野Tim...依份工真係令我學左好多野同識左一班好同事,個個都對我好好,而且亦肯用心教我,好感動

     至於番學方面,一星期番三日學原來真係一件唔容易既事黎呢,因為每星期要番3日學既關係,好多野都令我做唔到咁多,例如執相,貼閃石,睇卡通,打機等等...雖然唔洗搞到放棄咁嚴重,但係已經唔可以好似以前咁瘋狂了啊...

     至於我o既Pre-Wedding Make Up Job,依個月就好似倒水咁Full,每年年尾結婚既人都總比年頭多好多,而且今年仲係好年,所以好多人都會選擇今年結婚呢...每一次幫新娘化妝,見佢地開開心心咁影Pre-Wedding...我就會諗唔知幾時到我呢?...可能有排都唔頂丫... 哈哈

     黎緊依個星期小妹要為月尾既日本Trip做足準備,番黎之後就係Wedding Make Up深造班既大考了,而我讀左既Wedding Planner 課程都要開始搵人實習了(睇下邊個朋友仔肯比我做白老鼠先),哈哈!

最後...我希望所有野都事事順利,大家都係啊

余余真係好令,我同佢只有1個身位距離,好開心呢>3<

大老世與余余 @_@

知唔知邊個係我呢@@?

早前接既Makeup Job...(多謝各大師比咁多機會我化令令Model丫)

又係Ryan大師既令相

I.R版....

又係收禮物時間~

成日Hand機既LG= =

限量米奇>3<