北海道凍到震之旅 Day 3

就係呢間"朝陽亭"酒店好正喇~

跟住去左睇銀河流星瀑布,不過已經結曬冰喇~

中途站既洗手間都咁靚既...

又係時候開餐喇~

出發去破冰船喇~入口有唔知咩人畫既postcard,好可愛呀~

北海道真係好多雪人呢~

報呢個團,就係因為有破冰船坐,好期待,好興奮!!!

導遊話我地係呢個冬天以黎第一團睇到破冰架...真係好震撼呀...好大雪,果一刻好似去左北極咁!

回程去冰海展望塔.

展望塔最出名係睇天使魚,但係因為原來天使魚比魚毛仲要細,影都影唔到,唯有去果個"神社"影下相,果度可以自己用紙接天使魚出黎掛上去許願,但係我地唔夠時間呀~輝輝買左天使魚毛公仔比我呢~好得意架~

之後再去睇海豹,我好驚呀...唔好比我掂到佢地...

呢日住"萬世閣露天溫泉酒店",終於可以去浸露天溫泉!個頭好凍.個身好熱...呢種冰火既感覺...wow~~~

今晚又係自助餐,好飽呀...不過唔好食既~

晚上加推宵夜~自費既巨型牡丹蝦,有個煙盒做比例架~不過見到果d綠色既春...我真係好想嘔呀...仲要成1100yen(差不多成舊水一隻呀!),一定要食左佢...最後係得出一句:搵笨7!