唔駛驚吓

媽咪完作哂電療、化療已經有二個多月。近幾個星期佢覺得左手掌、左腳掌好似比針拮咁痺﹐有時左邊面都有咁既感覺。雖然睇咗醫生話可能係神經線問題﹐不過成日咁痺法真係好唔舒服

早期媽咪個肚仔位置有二粒嘢﹐佢覺得愈來愈大﹐睇過醫生照過X光話係响肚皮度既﹐應該唔會係腫瘤﹐不過多咗啲嘢媽咪又愈來愈担心﹐今日約咗QE再問清楚啲﹐希望醫生可以解答哂我地既疑問﹐唔駛媽咪咁唔放心。

媽咪﹐唔駛驚﹐阿四响大廳﹐會幫你定驚!

**見過醫生後﹐佢提議抽肚嗰二粒嘢既組織化驗同埋照一照個腦(CT)﹐今日(28號)返去抽組織﹐下個月11號有報告; 23號至有得照。

等吓唔緊要啦﹐有時間呀嘛﹐唔駛担心架。