網誌分類：兔之旅 |
圖片
網誌日期：2008-02-25 18:59
2月24日(星期日)
今日要勁早起身, 因為我地booked左9點車由芭提雅到曼谷, 間車8點半就派人黎接我地, 再去巴士總站~~~ 由於唔知醒既關係, 我地7點9先起身, 再pack埋d行裝, 仲要超極速咁落去check-out.
跟住我為左唔好哂左個早餐, 同個frontdesk講, 我上去食早餐啦, 間車到你叫我地啦.最後我地用左9分鐘黎完成個早餐.....
司機實在太勁啦, 我地只係用左1個鐘多d已經到左曼谷既接駁站, 轉van仔車我地到siam@siam~~ 去到都只不過係11點幾, check左in, 個姐姐話要12點先比到房, 咁我地响lobby坐下啦~原來網上架, 即刻check下email先~~
上左大巴就即訓~~~訓到中途, 好有離心力, 原來個司機開到120km...搞到我唔敢訓..個腦仲諗緊如果真係反車, 我應該點做好呢...而兔佬...已經訓到死豬一樣...
ok~12點~有房啦, 拿拿聲換最輕便既裝束向住今日既重點: 翟度翟出發﹗﹗﹗
翟度翟果然唔係浪得虛名, 真係熱到呢....一路响芭提雅都未出過汗既兔, 終於要..流出佢第一滴汗 (其實係一桶汗) 又熱又肚餓, 見到街邊有麵檔, 兔同兔佬決定挑戰兔體既極限, 响熱到死既檔度食非常熱既麵....
行左個幾鐘, 1樣野都買唔到, 心諗: 唔係全天下既網友都呃我呀, 又話勁多野買既...又唔係話真係平得好交關喎....
正當差d想放棄既時候, 見到對著草鞋幾靚喎, 檔主開b350, 死都唔肯減價喎. 衰人. 都諗住豪比佢架啦, 點知...........竟然無碼﹗﹗﹗最細果對都要37號...呢個時候, 兔佬個樣開始變青色啦, 因為佢好驚我會响翟度翟上演河東獅吼﹗﹗﹗响接下黎既行程, 佢都不斷咁游說我買野....
好彩, 到大約3點幾, 個太陽都無咁毒, d買野興致又返黎啦, 呵呵~~~~見到件t-shirt係hello titty (真係咁串架), 我覺得一定要買比ema囉, 哈哈~~呢個翟度翟之旅亦响6點鐘完結~~
p.s. 以下呢張相我係特登影比帶金弟飯睇架, 等佢地知道做我地既仔女幾幸福~~~呵呵~~~
耶律 2008-02-27 23:23