星河灣酒店 + 長隆動物園

上次去唔成盤龍峽, 今次決定去番禺2日1夜(・∀・)主要係見倒星河灣酒店好靚,想去住下,所以買左包長隆動物園ge package自己去。

間酒店真係無令我失望,又大裝修又靚(・∀・)我地住ge係豪華房,張床超大又舒服,個浸缸仲有電視tim~(・∀・)
酒店cafe~我地就係度食lunch(・∀・)

我訓個陣點碌都無碌落床呀~~

個廁所有企缸又有浸缸~一路浸一路睇電視好梳干呀~~(・∀・)

呢日係酒店玩下佢d設施,個泳池大又唔多人,更衣室同locker都好乾淨(・∀・)可惜無帶相機去...gim房雖然細,但d機好新淨,跑步機都有電視睇包唔會悶!之後仲打左場桌球tim~(・∀・)夜晚都係酒店食,因為附近無野食又唔熟路...d野都好味,大陸ge雞真係好正!可惜個廚房好似做唔砌,d野等好耐先黎,好肚餓呀~~(-ω-);

第二日早餐係自助餐,比我想像中多野食呀~最衰d fread較錯鬧鍾唔響,攪到遲左起身無時間食呀~~~明明咁多野食....可恨呀(>皿<)之後乘shuttle去長隆動物園。拿著手上換票號碼換入場票,出事了...

你地個號碼唔岩wor,換唔倒票wor~
o下...!?(o咀)我地係得呢張野jar wor...
真係唔得wor~你地個號碼多左1個字ga~入唔倒wor~
啊...咁我地打返去問下la...

打去旅行社未開工,打大陸個熱線無人聽or唔通

唔該可以幫我地打去問下呀?我地打大陸個熱線唔通wor
呢d要你地自己問番ga wor~我地唔係負責呢d ga wor~
....(="=好廢)好la~我地再打下la...

唔該我地買飛la....比2張飛我地la...
o下?你真係買飛下?你個換票號碼只限今日ga jar~
我知呀~咁我地可以點...買la買la!
哎呀~咁我幫你問下la~
....好呀,唔該(又唔一早幫我地~!!攪左成個鍾先幫~!!)

之後經過一返擾攘,終於入倒場la...不過應該行一陣就要走la...(-A-)"""
我好鍾意呢D大咀bird~~(・∀・)獅子老虎b~熱到訓係度~我都熱到溶la...

好多野都唔夠時間睇,乘車區睇ge野生動物都多,不過唔夠野生....有機會一定要去下外國個d野生動物園啊~(・∀・)