皮皮家@長洲遊

5月3日星期六 同皮寶老婆去左長洲玩.... 其實我從小每年都要去長洲拜山！但除左拜山條路幾熟之外, 其他地方真係冇乜點行過。

好彩上網都找到點資料...今次想同皮寶行下山...睇下風景！因為我地放假成日剩係行街行商場、睇戲....去得太多都想諗下去d新野...自從好耐之前去過南丫島之後都未一齊再去長洲...記得上次去都係幾年前, 仲要個日下大雨...灰！

好彩天公做美...上午落過少少雨之後都冇再落雨...下午仲好猛太陽添！ 今次行情以簡單為主...主要行d景點！

中午既長洲馬頭好多人...有點霧！

出馬頭向左一直走, 過晒海鮮檔...先去"北帝廟"睇睇...有個包山架...

原來下星期六同日係一年一度既"太平清醮".....雖然幾好睇、但個日係超多人既一日....好耐之前睇過一次...多人到行唔到.....

最近長洲多左樣野食...呢樣台灣都有...依家竟然係長洲先溫到....地址係近東灣, 出馬頭中間有條路直入, 見"百佳" 中間有路直上.....舊時賣日本紅豆餅個度...依家仲有得賣..甚麼"腸仔蟹子手卷", 大大粒魚蛋, 奶黃糕都係個度....

穿過東灣就係觀音灣了.....

好多外國人....呢張相係皮寶影的....Paparazzi

皮寶之作(二) ---未命名

有隻雀係度食緊條蟲...完全唔怕我近距離同佢影相！

沿觀音灣中間小路直上可以去長洲"小長城" 睇下d怪石同遠望南丫島！

前面中間個個叫人頭石.....加d想像就會覺得幾似！

呢舊係花瓶石..............

見到好遠既南丫島發電廠...

之後我不太懂怎走...由明輝路折返觀音灣再由碼頭向西....瞧西灣進發(經大石口上山, 向長洲墳場進發, 當然唔係去墳場啦！ 只係行去西灣既舊路...因長洲已建好一條西灣長廊是不用上山而係沿海邊行的....

我們倆人依然故我走舊路...上山下山....皮寶不幸被饑餓難耐的蚊群追叮...而我亦不幸被叮中右臉...........

到了西灣....本想繼續前往張保仔以及五行石灘看看...但皮寶已被衰蚊叮到非常不開心....所以決定坐阿伯"街渡" 返回碼頭！！收我$4一個, 唔知有沒收貴呢？

走之前當然要買返個又貴($6個)又唔好食既山包返去做紀念啦！！