小偷阿星

圖中這個玩具，大有來歷。相傳blog主大約係1986年夏天某日下午時份，因妹妹要到九龍灣室內游泳池學游水關係，我要跟著去看看妹妹是否安全。導致她有她學游水，我有我自己游。因為唔係學生，我只可以自己搭車去泳池，由於當日早到目的地關係，加上外邊太熱啦，只好係德福商場遊盪啦。點知遊下遊下就遊到案發現場，由於屋企環境唔係咁好，玩具並唔係太多，所以一到案發現場周圍望時候，發現左當年都幾熱賣的玩具系列之其中一款 ( 就係相中物 )，總要係夜光架。

由於玩具係吸索包裝關係，我只好大膽既係店內進行拆除包裝這項巨大工程，拆完後，懷著戰驚心情急步離開案發現場。好彩無被防盜及職員發覺。總算好運。

直到晚上拎出黎玩的時候，俾亞媽發覺，她追問玩具從何而來，我就話係街上面拾的，亞媽當然唔信還追問點解玩具會咁新淨，經過5秒鐘解釋，亞媽無計可施便再無追問了。

而玩具跟隨著我，剛好20週年，呢20年黎陪住我成長，真係好有記念價值。同系列仲有BB彈槍，我都有一個，都係偷返黎，好似係偷小學同學，印象超模糊啦。總知我細個果時就真係百厭啦。

p.s. 案發地點係：屈臣氏。當時大約係小學四年級左右。