當了一小時偷拍狂

晚上被外面突如其來的橙色燈光吸引，由於家住二樓，好奇的我探頭往外一看，發現街上佈滿各類儀器。
望多兩望之際，發現兩位比橙燈更光既星出現，梁朝偉及金城武。隨即通知屋內所有人及提起相機趕緊拍拍拍。結果都拍出尚算滿意的相片，大家睇下我同佢地係有幾咁近就知一二啦。

p.s.由於未開拍前各工作人員需要準備太多野啦，
係我八八掛掛起勢咁望同時，對面屋工作人員拿著電筒，照照我照照自己扮扮鬼嚇我，我隨即用相機作勢反拍佢，過30左秒鐘，樓下電鐘響起。立時心感不妙，落去查看究竟，原來工作人員通知我一聲因為要開拍，提醒我不要在望住佢地，因為鏡頭會拍到我家。

所以你睇到既所有相全部都係係我睡房搵個極隠閉的位置偷拍得黎。

加上天氣突然轉壞，拍了個多小時就完工啦。否則會有更多好相，我相信呢兩日佢地會再返黎再拍的，等我。