泰friends

呢班朋友令我心境年輕不少。佢地曾幾何時成日叫我老不點，即係大唔透，話我呢個老野成日痴住佢地呢班後生仔玩喎。同佢地一齊經歷不少大大小小無聊無謂既事情。

初期活動有：出旺角打online game，玩rainbow six，打到唔興啦都仲繼續打，隨著online熱潮式微，我地都無玩啦。
初中期活動：打籃球又有、燒野食又有。
中期指定活動：生日會唱K活動、沙灘游水活動、旺角糖水宵夜活動、樟木頭按腳篤波高卡保齡球友聚及船河wakeboard3點式泳衣cat show。
友情高峰期活動：泰國下水禮動感之旅、澳門紅酒金沙生日派對。
冷淡期活動：世盃日日笙歌飯聚、得閒無事飯局、電影交流團、夏天例行沙灘浪漫之旅。

總括以上既活動，都幾豐富下。近來好少同佢地見面，連游水都未能出席，因小弟有要事在身，加上長崎良美。不過過埋月尾，可以搵佢地出黎咬飯，費事要人地請咁破費啦。

p.s.亞標、臭比德同益李，我就黎回魂返黎搵你地架啦。