11月6日 – Very Good!

由9/28到10/20, YY每朝早都係喊住返學, 期間一直與老師保持聯絡, 老師話會比D任務YY做下, 例如一起帶小朋友做體操, 小朋友唔食飯, 又佢講要食飯先健康架, 講完重餵埋人食, 不過, 人地未食完佢又再 “則”人地食囉 .

10/21開始喊下停下咁, 但巳無豪哭+發燒喇. 仲喜歡唱下學校d歌, 有一首由太陽伯伯改篇既英文歌(we are waiting, we are waiting, hurry up, hurry up, we are waiting for you, we are waiting for you, hurry up, hurry up), 全首歌清晰咁唱出黎呀, Good !

11/3老師打電話比YYM, 話當日罰左YY呀, 老師指YY經常指定那位老師餵才肯食飯, 加上食茶點時, 要食完糖水 (腐竹蛋) 先食餅, 但YY堅持唔食糖水,要食餅,老師話要食少少糖水先, 點知YY專登整瀉D糖水,老師只好再加比佢, 並堅持唔食糖水無得食餅, YY先死死氣食左少少糖水, 雖然老師最後有比餅佢食, 不過就要罰YY無得紮辮囉 (由於YY很喜歡老師同佢紮辮, 每日都係紮住辮放學架). 11/4老師再打電話比YYM, 話YY好乖, 食飯又好合作, 只係瞓覺唔太好, 老師最後都有同YY紮辮仔呢.

11/5日仲有驚喜, 老師寫左以下字條比YYM呀:

恩恩今天除了回校時 “嗲” 爸爸外, 表現十分良好, 尤其在午餐時, 自己進食, 有多次得到老師讚賞, (是多位老師及主任), 而我在午睡前對恩恩說: “老師要打電腦及執拾玩具, 是給小朋友玩的!” 她說知道及自己閉上眼睛安睡 (約個半小時), 我會送貼紙和紮辮作讚賞, 請媽媽再給予她 “高度的讚賞”!

呢張紙仔, 當係YY第一張獎狀, 表起佢係個Blog度先得 (), 話時話, 老師畫d公仔都幾得意喎