Ooooooooo...Mr.O

放假晨早流流有覺唔瞓, 約咗咩人咁鬼死重要呀, 之唔係經肥妹仔做

媒人介紹我識嘅Mr.O囉, 嘻嘻.....本來都無咩期望嫁, 點知一見到佢真

身至知係好野嚟嫁......佢份人真係好爽, 好甜添呀, 不過就好多口水囉,

其實講咗咁耐, 都係講梗早排由新奇士同Towngas 協辦嘅一個烹飪班,

所有設計嘅食譜都係以新奇士產品做主題, 今次就用上了新鮮多汁嘅

Orange...真係健康又好味, 而且呢個Cooking Class仲要係免費嘅添, 有野

學之餘仲要係又食又拎, 有咁筍嘅野唔去就真係笨啦

\

大會一早預備的材料, 放滿一桌

好啦, 開始整第一道菜啦..係甘筍西芹洋蔥橙香黑椒粒湯, 其實個名

係唔係咁, 我都唔係好記得囉

Miss Wai見到我地呢班學生手忙腳亂咁都"R"晒頭,

哈哈...其實淨係我係咁姐

嚟一招"鬼影搣橙手"先

又薑蓉又胡椒, 辣到伸脷仔

第二款菜式係焗橙香三文魚紅糙米飯

很好味哦, 果然半生熟的三文魚真的很嫰滑, 加上鮮橙的香味

更能帶出魚中的鮮味

你地估吓拎住部大機响樹狂影嘅呢位仁兄是誰?....估中無獎

橙汁燉蛋, 落咗橙皮茸, 所以焗好出嚟都仲好香橙味, 立即食咗一大杯

飽到O晒咀, 真係要多謝肥妹仔今次呢個咁好嘅介紹, 希望下次

都再有機會參與